Samsung Galaxy A9 Pro është shfaqur shpesh së fundmi. Ky smartphone është vlerësuar nga GFXBench, çertifikuar nga Bluetooth SIG, çertifikuar në Kinë, dhe është importuar në Indi për qëllime testimi. Sipas raporteve të fundit nga TechSot.al, Galaxy A9 Pro pritet të lançohet në Kinë, dhe ende nuk e dimë nëse Samsung ka për qëllim ta nxjerrë atë në dispozicion edhe jashtë vendit aziatik. Galaxy A9 Pro, siç sugjeron dhe emri i tij, do të jetë një variant i ri i smnartphone-it Galaxy A9 i cili u lançua në Dhjetor.
Falë GFXBench, tashmë kemi një ide mjaft të mirë të asaj se si do të duken karakteristikat e këtij smartphone. Sipas Antutu, SM-A9100 njohur ndryshe si Galaxy A9 Pro, thuhet se do ketë një ekran FullHD (1920 x 1080), dhe do të fuqizohet nga një proçesor Snapdragon 652 octa-core 64-bit, së bashku me një GPU Adreno 510. Kamera 16-megapixel do të vendoset në pjesën e pasme të këtij telefoni, dhe ajo 8-megapixel do të jetë në dispozicion para. Android 6.0 Marshmallow do të vijë i para-instaluar në këtë pajisje, dhe në krye të saj, ju do të gjeni TouchWiz UI nga Samsung.
Antutu nuk ka zbuluar dhe shumë detaje, por sipas GFXBench, kjo pajisje do ketë një panel 5.5 inç, dhe me shumë mundësi do të jetë Super AMOLED. 32GB memorie të brendshme dhe duket se Samsung do të përfshijë edhe një vend për microSD. Galaxy A9 Pro pothuajse me siguri do të jetë i përbërë nga metali, dhe gjithashtu presim që ai të ofrojë dhe një skaner gjurmë gishtash. Pra ky do të jetë një smartphone me karakteristika të larta por me një proçesor të rangut mesatar, e cila në thelb e bën atë një smartphone mesatar.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English