Samiti i Forumit Ekonomik Botëror, i paraparë të mbahet në Davos të Zvicrës në muajin janar, është shtyrë për verën e vitit të ardhshëm, për shkak të pandemisë së koronavirusit.
Takimi, i planifikuar fillimisht për në janar, do të rishikohet në “fillim të verës tjetër”, sipas Adrian Monck, drejtor menaxhues i Forumit. Samiti, që mbledh udhëheqës të shteteve të botës, mbahet çdo vit në Davos, që prej 1971. Forumi Ekonomik Botëror e portretizon veten si adresën kryesore për mbledhjen e elitës politike dhe biznesore, me qëllim diskutimin e sfidave të globalizmit.
Grupi tha se vendimi për të shtyrë samitin “nuk është marrë me lehtësi, pasi nevoja që liderët globalë të mblidhen dhe të hartojnë shtegun e rimëkëmbjes” nga pandemia e koronavirusit, është shumë urgjente”.
Organizata tha se detajet mbi datat dhe lokacionin e takimit të shtyrë do të vihen në dispozicion “sa më shpejt asi të krijohen kushtet e shëndetit dhe të sigurisë e pjesëmarrësve dhe komunitetit pritës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English