Rrjeti Social Twitter feston sot 10 vjetorin!


Rrjeti Social Twitter, themeluar dhe drejtuar aktualisht nga Jack Dorsey, të dielën në mbrëmje filloi një festim online.

Një postim me titull “Thank you! Love Twitter”, ftonte njerëzit të festonin dekadën e tyre të pare me hashtag-un LoveTwitter.

“Plot 10 vite më parë, filloi me një cicërimë të vetme,” – thuhet në postim, duke treguar Tweet-in e parë të Jack Dorsey-t.

“Që atëherë, çdo moment, çdo ditë, njerëzit komunikojnë me njëri-tjetrin për gjërat që kanë për zemër – në të gjithë botën.”

“Ndër vite, ju e keni bërë Twitter-in atë që është sot dhe po i jepni formën që do të ketë në të ardhmen. Dhe ne ju falenderojmë ju për këtë!”

Pa dyshim që Twitter ka ndryshuar mënyrën se si njerëzit komunikojnë online, me vetëm 140 karaktere, çka për mirë apo për keq i bën njerëzit të zgjedhin fjalët e tyre. Platforma sociale është kthyer njëkohësisht edhe në një vend ku mund të ndjekësh evente botërore në kohë reale.

Vitet e fundit të Twitter kanë qenë të vështira edhe pse është një platformë e dashur për shumë njerëz. Çmimi i aksioneve të Twitter ka rënë përsëri edhe në këtë fillim viti. Kjo ka sjellë edhe largimin e disa drejtuesve ekzekutivë të kompanisë. Madje edhe investitorët kanë shprehur dyshimet e tyre për Jack Dorsey, i cili punon 18 orë në ditë duke menaxhuar si Twitter ashtu edhe kompaninë e pagesave Square, në të njëjtën kohë.

Pavarësisht këtyre fakteve, Twitter ruan optimizmin duke shprehur falenderimet “se kemi bërë histori, kemi sjellë ndryshim, duke ndihmuar njëri-tjetrin dhe duke qeshur së bashku çdo ditë”, për përdoruesit e tij në postimin e ditëlindjes së 10-të.

Business Magazine Albania bashkohet me në këto festime me përdoruesit e Twitter në këtë përvjetor të dekadës së parë dhe i uron shumë të tjerë në vazhdim.

#LoveTwitter

 

/ Business Insider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale