Google ka hequr aplikacionin për Android, që ndihmonte njerëzit të fshinin aplikacionet e krijuara në Kinë. “Remove China Apps” ishte shkarkuar më tepër se një milion herë, në dhjetë ditët e para të prezantimit. Shumë popullor në Indi, ku tensionet me Kinën janë të larta për shkak të mosmarrëveshjeve kufitare në Himalajet. Google ka deklaruar se aplikacioni ka shkelur rregulloren e kompanisë, por nuk ka dhënë detaje tjera.
Aplikacioni ishte krijuar nga firma nga India “One Touch AppLabas”. Në rrjetet sociale kompania nga India ka shkruar: “Të dashur miq, Google ka fshirë Remove China Apps nga Google Play Store. Faleminderit për gjithë përkrahjen tuaj gjatë dy javëve të fundit. Ishit të jashtëzakonshëm”.
Aplikacioni ka shënjestruar faqen e rrjeteve sociale TikTok, që është në pronë të Bytedancet me seli në Pekin. Po ashtu edhe platformën e video-konferencave Zoom, me seli në Kaliforni, por është themeluar nga një sipërmarrës i lindur në Kinë. Mirëpo, nuk ka qenë në gjendje të fshijë aplikacionet e instaluara më herët në smartfonët e prodhuar në Kinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
