Këtë numër mund ta quajmë pa hezitim revista e personazheve. Në numrin 33 të revistës kemi sjellë personazhe të fushave, moshave dhe angazhimeve të ndryshme, brenda dhe jashtë vendit.
Dinamika e emigracionit, lëvizjeve të vazhdueshme të shqiptarëve, ka bërë që shumë prej nesh të kontribuojmë në vende të ndryshme të botës, por me një të përbashkët, të gjithë me mendjen tek Shqipëria e Kosova. Ekonomia e tregut, ka krijuar me shumë mundësi për të rinjtë dhe njëkohësisht më shumë sfida për vendin. Në këtë numër ne sjellim angazhimet e personaliteteve të rëndësishëm si Drita Ivanaj, e cila përmes fondacionit të saj, synon të japë një kontribut të qenësishëm në edukim dhe kulturë.
Në fushën e trashëgimisë kulturore dhe shpirtërore, dr.Skendër Myrtezani, bashkë me anëtarët e Vatra Queens, New York po punojnë për një mision të rëndësishëm: kthimin e eshtrave të At Fan Nolit në Shqipëri.
Agroturizmi është një fushë që kemi prekur me Marjana Koçekun, vajza që zgjodhi të hapë kullën e babait të saj për turistët në Dukagjin.
Shumë persona të tjerë që po punojnë për të përmbushur një mision, zhvilluar një biznes, apo për të krijuar një brand, vijnë me historitë e tyre në këtë numër.
Nuk mungojnë përmbledhje të eventeve të rëndësishme që ndodhën në këtë vjeshtë, duke nisur nga Future2Tech, AllWeb, etj.
Risitë dhe trendet e pritshme gjatë vitit të ardhshëm do t’i gjeni në brendësi të artikullit, sidomos në fushën e teknologjisë, ndërsa këshillat dhe motivimin për rritje në karrierën dhe biznesin tuaj, i gjeni edhe në artikujt e sjellë nga trajnerë/coach shqiptarë.
Mes historive të brandit, kemi zgjedhur këtë radhe një markë që mbart një filozofi dhe stil jete, Channel, historia e saj personale dhe evolucioni që solli në veshjet e grave. Ju mund të abonoheni online ose të porosisni revistën print del këto ditë në treg, për të zbuluar më shumë.
Lexim të këndshëm!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
