Një urë historike prej çeliku në qytetin holandez të Roterdamit do të çmontohet pjesërisht për të lejuar kalimin e një superjahti të ndërtuar për themeluesin e Amazon, Jeff Bezos, kanë njoftuar autoritetet lokale.
Jahti gjigant i Bezos, 430 milionë euro (485 milionë dollarë) është shumë i madh për urën ikonike Koningshaven, e cila daton nga viti 1878 dhe u rindërtua pasi u bombardua nga nazistët në vitin 1940 gjatë Luftës së Dytë Botërore.
Kantieri i anijeve në Alblasserdam, afër Roterdamit, i ka kërkuar këshillit lokal të heqë pjesën qendrore të urës në mënyrë që ajo të mund të kalojë.
“Është rruga e vetme për në det,” tha një zëdhënës i kryetarit të bashkisë së Roterdamit, duke shtuar se pronari i Amazon do të paguajë faturën për operacionin.
Vendimi ka zemëruar disa në Hollandë pasi këshilli lokal premtoi pas një rinovimi të madh në 2017 se nuk do ta çmontonte më urën, e njohur nga Rotterdammers si De Hef.
Zyra e kryetarit të bashkisë theksoi përfitimet ekonomike dhe vendet e punës të krijuara nga ndërtimi i varkës, por premtoi se ura do të rindërtohet në formën e saj aktuale.
Seksioni i mesëm i urës së madhe me brez çeliku do të hiqet për të dhënë hapësirë të mjaftueshme për varkën 40 metra të lartë, raportuan mediat holandeze.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
