Rikthehet trajnimi i Anglishtes së Biznesit, pranë Dhomës së Tregtisë


Gjuha angleze konsiderohet si gjuha ndërkombëtare e biznesit dhe e suksesit. Në biznes është shumë e rëndësishme të shkëmbejmë dhe të ndajmë mendimet dhe inovacionet tona. Kështu rritet biznesi. Kështu arrijmë të zhvillohemi dhe profesionalisht, të kemi një komunikim më të mirë me koleget, klientët dhe t’u bëjmë përshtypje punëmarrësve.

Për këtë qëllim trajnimi i Anglishtes së Biznesit synon përmirësimin e aftësive të gjuhës angleze të personave që përdorin anglishten në punën e tyre.

Trajnimi zhvillohet në Gjuhën Angleze, me trajnuese Amerikane, në një program intensiv që zgjat dy ditë.

Objektivi i trajnimit është që pjesëmarrësit të përsosin fjalorin që i shërben drejtëpërdrejtë në punën e tyre, pajisen me aftësi komunikuese që u nevojiten dhe të aftësohen për të përballuar situata të caktuara lidhur me gjuhën.

Kush mund të përfitojë:

  • CEO/Menaxherët, të cilët punojnë në një mjedis biznesi, të cilët kanë nevojë të përdorin anglishten në vendin e tyre të punës.
  • Menaxherët, të cilët mbajnë lidhje me kolegët dhe menaxherët e linjës në gjuhën angleze.
  • Profesionistët e biznesit që punojnë në kompani të ndryshme dhe dëshirojnë të përmirësojnë anglishten e tyre për qëllime pune.
  • Lektorë që duan të punojnë me nivelin e tyre të gjuhës angleze.
  • Të punësuarit në administratë publike.
  • Profesionistët e biznesit që kërkojnë të përparojnë në karrierën e tyre duke pasur njohuri funksionale të anglishtes.
    Etj.

Kandidatët duhet të kenë minimalisht një nivel të ndërmjetëm ‘Pre-Intermediate’ të gjuhës angleze.

Kursi do të jetë shumë interaktiv. Pjesëmarrësit jo vetëm do të dëgjojnë, por edhe do të praktikojnë ato që kanë mësuar. Atyre do t’ju kërkohet që të marrin pjesë dhe ndjekin udhëzimet e trajnuesit.

Pjesëmarrësit do të përdorin 4 aftësitë: lexim, dëgjim, të folur dhe të shkruar. Kursi është shumë intensiv dhe do të kërkojë përqendrim të plotë.

Programi:

Struktura e Biznesit
Mbledhjet; Frazat standarde; Roli i Kryetarit; Axhenda; etj.
Aftësitë Komunikuese dhe Shërbimit i Klientit
Shkrimi i E-maileve/ Raporteve
E folura në Publik dhe Si të japësh prezantime të suksesshme

PAGESA: Tarifa e zbritur e pjesëmarrjes në trajnim është 50 Euro, ku përfshihen të gjitha materialet e punës dhe certifikata në fund të trajnimit.

Në datat 11 & 12 Tetor 2018, orari 16:30-20:30 me tarifë të zbritur 50 euro.

Për tu regjistruar, ju lutem plotësoni formularin e aplikimit brenda datës 10 Tetor 2018: Formular Aplikimi

Afati i fundit i kryerjes së pagesës është data 10 Tetor 2018!!

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale