Shqetësimi i autoriteteve lokale në Kinë është aktualisht Shulan, e banuar nga 700 mijë persona në provincën veri lindore të Jilin, në kufi me Rusinë dhe Korenë e Veriut.
Përhapja alarmante e infektimit në këtë qendër urbane ka nxitur institucionet të marrin masa drastike, të ngjashme me ato të vendosura në Hubei në fillim të vitit. Në gjigantin aziatik kanë rezultuar pozitivë deri më tani 82.960 persona, ndërsa personat e vdekur nga Covid janë 4.634.
Sipas “Il Sole 24 Ore”, vendimi i qeverisë për masa kaq të forta vjen pasi qyteti u cilësua si një vatër e re infeksioni, e përbërë nga një bërthamë personash që nuk kanë pasur kontakt me jashtë dhe as me sektorin sanitar, pra pa një ekspozim me rrezik.
Lexo: Prova të reja për vaksinë nga një partneritet amerikano-gjerman
Masat shtrënguese kundër kontaminimit, të ngjashme me ato në Wuhan, janë prezantuar nga mediat kineze. Këtu përfshihet plani i masave për bllokimin, ku janë rritur kontrollet për spostimet në të gjitha zonat e banuara.
Sipas vendimit të qytetit, “nuk mund të dilet nga blloqet rezidenciale, ku janë konfirmuar ose ka raste të dyshuara me koronavirus dhe nuk mund të hyjnë personat jorezidentë”. Për produktet bazë të domsdoshme, janë organizuar dorëzime në shtëpi”. Banorëve të pjesës tjetër të qytetit u lejohet të dalin vetëm për blerje të domosdoshme.
Në Shulan janë mbyllur shkollat dhe është pezulluar transporti publik. Zona vlerësohet të ketë qenë nën vrojtimin e autoriteteve shëndetësore duke nisur nga 10 Maji, që atëherë e cilësuar si zonë me rrezik të lartë për COVID.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
