Reklamat kanë nxitur turizmin shqiptar dhe kanë rritur numrin e pushuesve - Business Magazine Albania

Reklamat kanë nxitur turizmin shqiptar dhe kanë rritur numrin e pushuesve


Ekspertët e turizmit besojnë se rritja e numrit të pushuesve që zgjodhën t’i kalojnë pushimet e verës në Shqipëri vjen më së shumti si rezultat i promovimeve. Matilda Naço, drejtore e Shoqatës Shqiptare të Turizmit i tha BIRN se kjo verë ishte një ndër më të mirat sa i përket numrit të turistëve të huaj.

“Besoj se arsyeja kryesore pse Shqipëria ka qenë e favorizuar ka të bëjë me promovimin. Institucionet shtetërore dhe operatorët privatë kanë rritur buxhetet sa i përket prezantimeve të vendit në panairet botërore të turizmit. Gjithashtu, niveli i prezantimeve është bërë më profesional dhe efiçent,” tha Naço. “Në fakt, Shqipëria është ende një ndër vendet më pak të zbuluara të Europës, kështu që kurioziteti ka luajtur gjithashtu një rol,” shtoi ajo.

Ministrja e Ekonomisë dhe Turizmit, Milva Ekonomi publikoi shifra që sugjeronin se 24% më shumë turistë të huaj se në vitin 2015 zgjidhën Shqipërinë si destinacionin e tyre këtë vit. “Shifrat flasin vetë,” shkroi ministrja në Twitter. Të dhënat tregojnë rritje të shifrave të turistëve që kaluan përmes kufinjve tokësore dhe detarë nga 1 qershori-15 gusht. Naço mendon se sipërmarrësit lokalë kanë bërë një punë të mirë këtë vit në promovimin e apartamenteve të tyre përmes platformave mjaft popullore të rezervimit online si Airbnb.

“Në 2013, numri i apartamenteve të listuara për t’u dhënë me qera në Airbnb ishte vetëm 35, tani ka fluturuar në mijëra, ndërkohë që shumica e pronave në zonat e bregdetit janë të regjistruara në platformë,” tha ajo. Brunilda Licaj, eksperte e turizmit dhe pedagoge në universitetin “Aleksandër Moisiu” në Durrës i tha gjithashtu BIRN se promocioni i Shqipërisë ka sjellë rritje pozitive të numrit të turistëve të huaj. Liçaj beson gjithashtu se situata e vështirë në Turqi ka kontribuar në rritjen e numrit të turistëve që vizitojnë Ballkanin.

Turizmi në Kroaci ka shënuar gjithashtu rritje në 2016. Në 7 muajt e parë të 2016, pati 45 milionë qëndrime brenda natës- 5 milionë më shumë se 2015. Nga kjo shifër, 26 milionë u shënuan vetëm në korrik.

Bullgaria tërhoqi 3.1 milionë turistë në gjysmën e parë të 2016-duke raportuar një rritje 15% nga e njëjta periudhë e vitit të kaluar. Në qershor, numri im turistëve u rrit me 28%.

Çmimi i ulët i akomodimit krahasuar me vendet e tjera në rajon konsiderohet gjithashtu një faktor që ka ndikuar në rritjen e numrit të turistëve për Shqipërinë sipas ekspertëve. Sipas platformës booking.com, çmimi i një nate në një hotel me katër yje në Vlorë ose Sarandë gjatë gushtit fillon nga 50 euro dhe rrallë i kalon 150 euro, ndërkohë që në Budva të Malit të Zi, çmimi për të njëjtën kategori fillon nga 75 euro dhe rritet deri në 200. Çmimi është edhe më i lartë në qytetet bregdetare kroate të Dubrovnikut dhe Splitit, ku fillon nga 130-220 euro për natë.

Burimi: Shkruar nga Fatjona Mejdini dhe publikuar në reporter.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0