Piktura nuk është kaq e shndritshme për SHBA-të, e cila humbet 4 pozicione duke shkuar në vend të 22-të. Ajo vazhdon të ketë ulje të vazhdueshme prej 6 vitesh që prej vitit 2009 kur renditej e dyta në listë. SHBA-të janë kapitali financiar i botës dhe ekonomia më e madhe e saj me 17.4 trilionë $ (PBB) (Kina e dyta me 10.4 milionë $), por performon dobët përsa i përket lirisë monetare dhe burokracisë. Më shumë se 150 rregullore të reja janë shtuar që nga 2009 me një kosto prej 70 miliardë $, sipas Fondacionit të Trashëgimisë (Heritage Foundation).
Rënia në 4 pozicione e këtij vitit e SHBA-ve mund t’i atribuohet dy faktorëve. Vlerësimi i saj përkundrejt asaj të ekonomive të vendeve të tjera ra në mënyrë të konsiderueshme, sipas vlerësimeve për mbrojtjen e investitorëve të Bankës Botërore, e cila është pjesë e studimit vjetor “Doing Business” të institucioneve ndërkombëtare. Gjithashtu SHBA-të patën një komponent negativ të taksave, po ashtu edhe të gatishmërisë teknologjike në Raportin Global të Konkurrueshmërisë së World Economic Forum.
Danimarka është renditur e para në 6 prej 10 publikimeve vjetore të listës Forbes’ Best Countries. Vendi ka qenë kronikë e lajmeve në SHBA kohët e fundit falë kandidatit demokrat për president Bernie Sanders, i cili mbështet kombin e 5.6 milionë njerëzve si një model socialist utopik. Vendi ka një nga barrat më të rënda fiskale për individët në botë, por është një ekonomi e bazuar shumë te tregu.
Danimarka u rendit e 20-ta në tërësi, por e para në një nga 11 kriteret që u përdorën për matjen e Vendeve më të Mira për Biznes (ajo u rendit e 28-ta për burokraci). Ajo pati një total të mirë pikësh në aspektin e lirisë (personale dhe monetare) dhe korrupsionit të ulët. Klima e rregulloreve është një nga më transparentet dhe efiçiente në botë sipas Heritage Foundation.
Ekonomia 341 miliardë $ daneze ka pasur një rritje vetëm me 1.1% për 2014-ën dhe me siguri jo shumë përsa i përket 2015-ës. Një rënie në të ardhurat që vijnë nga eksportet ka qenë faktori kryesor. Tregu i aksioneve i Danimarkës është entuziast rreth së ardhmes së vendit. Ka pësuar një rritje me 34% përgjatë 12 muajve të fundit.
Rankimi i Vendeve më të Mira për të bërë Biznes është bërë mes 144 kombeve mbi 11 faktorë: të drejtat e autorësisë, inovacioni, taksat, teknologjia, korrupsioni, liria (personale, në tregti dhe ajo monetare), burokracia, mbrojtja e investitorëve dhe performanca e tregut të aksioneve. Secila kategori është peshuar në mënyrë të barabartë. Të dhënat janë marrë nga raporte të publikuara nga organizatat e mëposhtme: Freedom House, Heritage Foundation, Property Right Alliance, Transparency International, World Bank Group dhe World Economic Forum.
Zelanda e Re rritet me një pozicion në renditje dhe shkon në vend të dytë (në vitin 2012 renditej e para). Ekonomia 201 miliardë $ është më e vogla midis 10 vendeve më të mira, por ka performuar mirë, me një rritje prej 3.3% nga viti i fundit. Vendi ofron një klimë biznesi transparente dhe të qëndrueshme që inkurajon sipërmarrjen. Ekonomia e Zelandës është e lidhur ngushtësisht me atë të Australisë. Zelanda e Re merr pikë të larta në të drejtat e autorësisë, lirinë monetare, mbrojtjen e investitorëve dhe korrupsionin e ulët.
5-shen më të mirë e plotësojnë Norvegjia, Irlanda dhe Suedia.
Ndërkohë që SHBA-të kanë rënë në renditje, ekonomitë më të mëdhaja të ardhshme të botës i përmirësuan indikatorët e tyre. Britania e Madhe dhe Japonia pësuan ngjitje respektivisht në vend të 10-të dhe 23-të. Gjermania u përmirësua me 2 pozicione duke shkuar në vend të 18-të. Kina nga vendi i 97-të u rendit në vend të 94-të. Renditja e dobët e vendit komunist mund t’i atribuohet pikëve të ulëta në lirinë monetare dhe atë personale, gjithashtu edhe të mbrojtjes së investitorëve dhe “shiritave të kuq.”
Fundi i listës paraqet një numër tregjesh të reja të kufizuara nga nivelet e larta të korrupsionit dhe lirisë. Çadi zëvendëson Guinean në vendin e fundit, një vend që Guinea e mbajti për tre vite rradhazi. Çadi u rendit i pesti nga fundi i listës në pesë nga 11 kriteret. Vendi i izoluar në Afrikën Qendrore mbështetet te nafta për më shumë se gjysmën e eksporteve të saj. Çmimet në rënie të energjisë e kanë penguar ekonominë e Çadit, i cili përballet me nivele shumë të larta të varfërisë. 5-shja më e “keqe” përmbyllet nga Guinea, Libia, Haiti dhe Mianmari.
/Forbes/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
