Rama firmos planin për Këshillin e Inovacionit, me fokus në investitorët ëngjëj - Business Magazine Albania

Rama firmos planin për Këshillin e Inovacionit, me fokus në investitorët ëngjëj


Inovacioni duket se do të marrë një vëmendje të veçantë po të kemi parasysh një urdhër të fundit të firmosur nga Kryeministri Edi Rama që hedh piketat e planit të veprimit në vitet 2017-2021.

Në këtë urdhër kërkohet ngritja e një grupi pune ndërinstitucional që do të kryesohet nga Ministria e Zhvillimit Ekonomik dhe do të ketë në përbërje përfaqësues Ministria e Financave, Ministria e Shtetit për Inovacionin dhe Administratën Publike, nga Ministria e Arsimit dhe Sportit, nga AKSHI dhe AIDA.

Brenda 6 mujorit të parë të këtij viti Rama kërkon që të ngrihet një Këshill Kombëtar për Inovacionin që do të koordinojë vendimmarrjen dhe politikat.

Nga ana tjetër  është kërkuar që po brenda këtij viti të bëhet zhvillimi i kapaciteteve për agjencitë qendrore që ofrojnë shërbime mbështetëse për inovacionin.

Kjo mund të ketë një nevojë për financim prej 100 mijë eurosh në vit për pozicionet shtesë dhe trajnimet. Në afatgjatë plani parashikon ngritjen e një rrjeti të njohur si “bussines angels” apo engjëjt e biznesit.

Investitorët ëngjëj mund të jenë profesionistë si doktorë apo juristë, ish bashkëpunëtorë biznesi – ose edhe më mirë akoma, sipërmarrës të thekur të interesuar të ndihmojnë brezin e ri. Ajo që ka rëndësi është se ata janë të pasur dhe të gatshëm të investojnë qindra mijëra dollarë në biznesin tuaj në këmbim të një veprimi.

Ky koncept edhe pse i pa lakuar shpesh në vend ka një njohje të madhe në botë pasi në këtë kategori përfshihen njerëz të suksesshëm biznesi, të pasur dhe me njohje që mund të jenë hallka lidhëse për zhvillimin e sipërmarrjeve të suksesshme.

Në urdhrin e kreut të qeverisë thuhet se do të ketë një identifikim të ëngjëjve potencialë të biznesit, hartim të kuadrit rregullator si dhe proces të hollësishëm për përzgjedhjen e projekteve dhe sipërmarrësve.

Burimi: scan-tv.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0