Ministria e Infrastrukturës dhe Energjisë (MIE) dhe Agjencia Kombëtarë e Shoqërisë së Informacionit (AKSHI) njoftuan se tashmë të gjithë këto qendra duhet të dërgojnë një sërë të dhënash pranë institucioneve për të bërë të mundur vijimin e procesit.
“Agjencia Kombëtare e Shoqërisë së Informacionit dhe Ministria e Infrastrukturës dhe Energjisë si institucione bashkëdrejtuese të procesit të integrimit në fushën digjitale, janë duke ndjekur aktivitetet në kuadër të pjesëmarrjes së Shqipërisë në Programin Digjital të Bashkimit Evropian (DEP) si “associated country”.
Programi Digjital i BE-së (2021-2027), mbështet transformimin digjital në Bashkimin Evropian dhe në vendet e tjera pjesëmarrëse jashtë BE. Programi përmban disa objektiva specifike që janë të hapura për vendet pjesëmarrëse jashtë BE-së si:
– Përpunimi kompjuterik me performancë të lartë;
– Inteligjenca artificiale, të dhënat dhe cloud;
– Aftësitë digjitale të avancuara;
– Përshpejtimi i përdorimit sa më të mirë të teknologjive digjitale” thuhet në shpalljen e publikuar nga të dy institucionet.
Të njëjtat detajojnë se në kuadër të këtij Programi, BE ka planifikuar të hapë në Janar 2024 një thirrje për mbështetjen e Qendrave të Inovacionit të vendeve pjesëmarrëse, si “asociated countries” përmes një procesi përzgjedhës me disa faza.
“Ministria e Infrastrukturës dhe Energjisë dhe Agjencia Kombëtare e Shoqërisë së Informacionit në bashkëpunim, kanë iniciuar një proces për identifikimin/regjistrimi për të gjithë Qendrat e Inovacionit që veprojnë në Shqipëri dhe kontribuojnë për transformimin digjital.
Lexo: Si të përballoni mbingarkesën në punë?
Ftojmë të gjitha Qendrat e Inovacionit Digjital që veprojnë në Shqipëri të dërgojnë brenda datës 1.10.2023, në adresën: dih@techspace.al dhënat si më poshtë:
– Emrin e Qendrës së Inovacionit;
– Detajet e Kontaktit (emër, mbiemër, telefon, e-mail, webpage);
– Fushën e veprimtarisë së Qendrës së Inovacionit:
– Një përmbledhje te shkurtër të aktivitetit të Qendrës në dy-tre vitet e fundit;
Për më shumë informacion kliko Programi Digjital i BE-së (2021-2027
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English