Punonjësit e BMW, Mercedes dhe Porsche tani do të punojnë 28 orë në javë

Punonjësit e BMW, Mercedes dhe Porsche tani do të punojnë 28 orë në javë


Një sindikatë industriale gjermane ka fituar të drejtën që punëtorët e saj të punojnë vetëm 28 orë në javë në një marrëveshje që mund të ndikojë pothuajse 4 milion njerëz në vend.

IG Metall, sindikata më e madhe në Gjermani për punonjësit e metalit dhe inxhinierisë, arriti marrëveshjen e cila do të lejojë stafin të zbresë nga 35 orë në vetëm 28 orë në javë për dy vjet, në rastet kur ata duhet të kujdesen për fëmijët, të afërm të moshuar ose të sëmurë.

Një javë pune prej 28 orësh është e barabartë me rreth pesë orë dhe 40 minuta punë për pesë ditë, nga 7 orë në ditë. Në Mbretërinë e Bashkuar, një javë standarde pune është 40 orë.

“Marrëveshja është një moment historik në rrugën drejt një bote moderne të vetë-përcaktuar,” tha Jörg Hofmann, kreu i sindikatës.

“Ja vlejti e gjithë përpjekja. Ne kemi hedhur themelet për një sistem fleksibël të kohës së punës”, tha Rainer Dugler, kreu i shoqatës së punëdhënësve për industrinë.

Aktualisht, marrëveshja e re është vetëm për industritë metalike dhe elektrike në Baden-Wuerttemberg, një shtet në jugperëndim të Gjermanisë dhe prek rreth 900,000 punëtorë. Megjithatë, ajo së shpejti do të përfshijë pjesën tjetër të punëtorëve të metalit dhe elektrikë të vendit, rreth 3.9 milionë njerëz.

Kompanitë me punëtorë të përfaqësuar nga IG Metall përfshijnë BMW, Mercedes, Airbus dhe Porsche.

Punëtorët e IG Metall do të marrin gjithashtu një rritje pagash prej 4.3% si pjesë e paketës së re të punësimit.

Marrëveshja pasqyron një përparim të madh për punën fleksibël në Evropë dhe vjen pjesërisht si përgjigje ndaj rritjes së ekonomisë së ashtuquajtur “Gig”, ku punëtorët janë në gjendje të kontrollojnë orët e tyre me lehtësi pa qenë nevoja për ato kontratat me kohë të plotë.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0