Punoni si “qen”? Ndoshta duhet të ndryshoni karrierë - Business Magazine Albania

Punoni si “qen”? Ndoshta duhet të ndryshoni karrierë


A jeni të lodhur nga karriera juaj? Punoni shumë dhe nuk merrni përfitime ekstra për punën që bëni?

Nëse dita e preferuar e javës për ju është e Premtja, pas orës 17:00, atëherë keni nevojë urgjente të rimendoni për drejtimin e karrierës suaj.

Sa më shumë të qëndroni në një punë ku nuk iu vlerësojnë dhe nuk iu pëlqen, më e vështirë do të jetë ta ndryshoni drejtimin e karrierës suaj.

Cilët janë treguesit që po punoni si një “qen”? :

  • A shkoni herët në punë çdo ditë?
  • A qëndroni mbrëmjeve deri vonë?
  • A janë këto orë ekstra të pavlerësuara nga menaxheri apo stafi drejtues?
  • A iua ngarkojnë juve detyrat të cilat asnjë nuk ka dëshirë t’i bëj?
  • Kur ktheheni nga puna, a ndiheni të lodhur dhe gjithçka që mund të bëni është të vishni rrobat e gjumit dhe të qëndroni në krevat?

Nëse në shumicën e rasteve jeni përgjigjur po, atëherë ju po punoni si një “qen”. Jo vetëm që kjo nuk iu bën mirë për shëndetin, por gjithashtu ju harxhoni energji të mëdha për një punë e cila nuk do t’iu vlerësohet gjithsesi.

Mungesa e vetëbesimit sjell mungesë përparimi.

Ndoshta arsyeja pse po lodheni kaq shumë në punë është se ju nuk keni vetëbesimin e duhur që të mendoni se ju vleni më shumë në jetë. Në mënyrë që të arrini punën që dëshironi, jo vetëm që ju duhet të besoni në aftësitë tuaja, por të jeni të sigurt mjaftueshëm sa për të arritur atë që dëshironi më shumë në jetë.

Këshilla për të rritur vetëbesimin

Veshja – Sa më mirë të visheni, aq më mirë do të ndiheni me veten. Zakonisht njerëzit gjykojnë nga pamja e jashtme, kështu që, sa më mirë të visheni, aq më pozitive do të jenë përshtypjet për ju.

Qëndrimi dhe të ecurit – Qëndrimi dhe gjuha trupore thonë shumë për personalitetin tuaj. Nëse ruani drejt-qëndrimin dhe buzëqeshni, ecni me kokën lart dhe jepni shtrëngime dore të forta, do të reflektoni shumë siguri dhe vetëbesim.

Dilni përpara – Si në shkollë, të uleshit në pjesën e pasme të klasës ishte një shenjë që nuk kishit besim në vetvete dhe “nuk dëshironit që mësuesi t’iu vërente”. Në mbledhje, seminare, takime të stafit, apo prezantime me klientët, sigurohuni që ju të uleni në fillim të dhomës.

/EkonomiaOnline

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0