Zara është një ndër dyqanet e veshjeve më të frekuentuara në botë, e kjo falë arritjes së gjetjes së një të mesmeje të artë. Nuk po flasim për cilësinë e klasit të parë, por nuk mund ta konsiderojmë as si ndër më të dobëtat në këtë drejtim. Çmimet e vendosura janë mesatarisht të lira, ndërsa modelet shpesh herë bëhen shumë tërheqëse në sytë e klientëve.
Nga ana tjetër, ZARA tingëllon sa i zakonshëm, aq dhe tërheqës për veshin. Por, ç’do të thotë ky emërtim ekzaktësisht?
Amancio Ortega ishte themeluesi i firmës, i cili hapi dyqanin e parë më 1975, në A Coruña Galicia të Spanjës. I apasionuar shumë pas filmit “Zorba the Greek”, Ortega vendosi ta quante kështu sipërmarrjen e tij.
Lexoni: 10 mësime suksesi për sipërmarrësit nga Amancio Ortega, themeluesi i Zara
Gjithçka dukej në rregull, derisa Amancio zbuloi se pak metra më tutje, në të njëjtën rrugë, ndodhej një lokal me të njejtin emër. Kështu, themeluesi i firmës thjesht vendosi të ruante disa nga shkronjat e emrit fillestar, e i rregulloi në tabelë në mënyrë të tillë, që fjala e formuar të lexonte ZARA.
Me pak fjalë, nuk ka ndonjë kuptim të veçantë; është thjesht një aksident fatlum, që sot rezulton ndër kompanitë më fitimprurëse në botë.
https://www.youtube.com/watch?v=jeNsr_nQEfE
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
