Pse Jeff Bezos nuk beson në balancën punë-jetë?

Ai nuk është fans i multitasking (të bërit shumë gjëra njëkohësisht).

CEO i Amazon Jeff Bezos së fundmi ka ndarë disa këshilla të domosdoshme gjatë një bisede me vëllain e tij më të vogël Mark, në Summit Series në Los Angeles.

Bezos, tashmë njeriu më i pasur në botë, rrezikoi kur nisi monstrën që tani quhet Amazon. Ai punonte si inxhinier software në Wall Street, dhe në vitin 1994 ai e la punën për të ndërtuar kompaninë e tij.

Lexoni: Cili është sekreti i suksesit të madh të Amazon? Këto janë tre principet që Jeff Bezos i çmon si më të rëndësishme

Por Bezos nuk dëshironte të kthehej prapa duke pyetur veten se çfarë do të kishte ndodhur nëse nuk do ta ndiqte vizionin e tij: “Mënyra më e mirë për të menduar për të ishte duke e projektuar jetën përpara moshës 80 vjeç,” tha ai.

Ai donte të merrte një vendim i cili do të minimizonte pendesat e mia. “Ti nuk do të koleksionosh pendesat në jetë,” tha ai, duke shtuar se nëse projekti i tij do të dështonte, “Unë do të isha shumë krenar kur të isha 80 vjeç, vetëm për faktin se u përpoqa dhe e realizova atë ide.”

Dhe për dikë që kryeson një platformë të ndërtuar në internet, Bezos është konfuz për mënyrën se si ai e përdor telefonin e tij. Vëllai i tij Mark vuri re se Jeff “rrallë herë hutohet nga telefoni i tij”. “Kur jam në një darkë me miqtë apo familjen, më pëlqen të bëj çdo gjë që po bëj, nuk më pëlqen të bëj shumë punë njëkohësisht”, tha Bezos.

Lexoni: Këto janë 4 armët që përdor Jeff Bezos për të mundur konkurrencën

Diçka tjetër që Bezos nuk i pëlqen: ideja e ekzistencës së një balance punë-jetë. Bezos e ndau këtë ndjesi me Thrive Global para një viti, ku shkruante, “Unë mendoj se harmonia punë-jetë është një stukturë e mirë. Preferoj fjalën ‘harmoni’ në vend të fjalës ‘balancë’ sepse balanca ka tendencën të imponojë një raport strikt dhe të ashpër. Ai i përsëriti këto deklarata në Samit, duke i treguar vëllait të tij se duke qenë një bashkëpunëtor i vlefshëm, ai e bën jetën e Bezos më të mirë jashtë zyrës, dhe anasjelltas: “Nëse jam i lumtur në shtëpi, kjo më bën një punonjës më të mirë, një shef më të mirë”.

/ThriveGlobal