Pse e ndryshoi formën e çokollatave kompania Toblerone? - Business Magazine Albania

Pse e ndryshoi formën e çokollatave kompania Toblerone?

~3 minuta lexim


Toblerone është reduktuar dhe fansat e tij janë zemëruar keq.

Çokollata Toblerone, që është pronë e Mondelez International Inc., ka reduktuar peshën e saj në Mbretërinë e Bashkuar me 10%, nga 170 gramë në 150 gramë. Me dizanjin e ri, ka një hapësirë të dallueshme midis majave “të famshme” të çokollatës.

Ky ndryshim pason një ridizenjim të ri të Toblerone në të gjithë botën, i cili ka zvogëluar masën e shufrave të çokollatës nga 400 në 360 gramë.

Kompania thotë se ka qenë e detyruar për ta bërë këtë reduktim (i cili do të ketë përsëri të njëjtin çmim) për të zvogëluar shpenzimet.

“Njësoj si shumë kompani të tjera, ne po përjetojmë shpenzime të shumta për shumë përbërës. Për t’i mbuluar këto shpenzime, por njëkohësisht për t’u siguruar që Toblerone do të vazhojë të jetë më i preferuar në treg, ne e kishim të nevojshëm reduktimin e masës së çokollatës me vetëm dy shufra për Mbretërinë e Bashkuar,” ka shkruar në Facebook kompania e çokollatës në Tetor.

Klientët e Toblerone janë të xhindosur nga ky ndryshim dhe kjo ka qenë e dukshme në ankesat e shumta të bëra në rrjetet sociale.

“Nëse keni shpirt, ju lutem riktheni përsëri Toblerone-n e vjetër.” shkruhej në një koment në Facebook-un e Toblerone.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0