Numri i të infektuarve me Covid-19 ka është rritur kudo në Evropë. Ndërkohë mijëra njerëz kanë dalë në protestë në kundërshtime me masat e vendosura. Në disa qytete italiane janë përshkallëzuar tensionet mes protestuesve dhe autoriteteve pasi vijojnë demonstratat kundër ashpërsimit të masave ndaj pandemisë. Në Romë, Firence e Bolonjë ka patur trazira kaotike. Duke sulmuar gazetaret si terroristë dhe mashtrues që fshehin të vërtetat e krizës shëndetësore, qytetarët akuzuan edhe qeverinë se ju ka vjedhur dinjitetin duke përdorur pandeminë për interesat e saj.
Jo më pak kaotike kanë qenë zhvillimet edhe në Spanjë. Barcelona dhe Madridi janë kthyer në sheshe lufte. Mijëra qytetarë janë përleshur me policinë dhe kanë shkatërruar qendrat e qyteteve. Në Barcelonë, protestuesit goditën gjithashtu me gurë policinë natën e dytë të protestave kundër kufizimeve. Gjithashtu, protestat kanë shpërthyer në qytetin spanjoll të Logorno, ku protestuesit u vunë flakën kontejnerëve, thyen xhamat dhe plaçkitën dyqanet. Pati protesta edhe në Granada, Malaga dhe Bilbao.
Parlamenti spanjoll miratoi një zgjatje gjashtë-mujore të gjendjes së jashtëzakonshme dhe u dha më shumë kompetenca autoriteteve rajonale në mënyrë që të luftonin valën e dytë të koronavirusit. Gjendja e jashtëzakonshme në Spanjë do të zgjasë deri më 8 maj, por ekziston mundësia e heqjes së saj në 9 mars, në varësi të situatës. Qeveritë rajonale mund të kontrollojnë lirinë e lëvizjes dhe kohën e ndalimit të orarit pa procedura të ndërlikuara parlamentare. Shumë rajone kanë rritur kufizimet që përfshijnë ndalimin e mbërritjes brenda ditës, karantinën dhe kufizimet e udhëtimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
