Programi “Ideja jote për Biznes” i Grupit Balfin shpall fituesit e parë - Business Magazine Albania

Programi “Ideja jote për Biznes” i Grupit Balfin shpall fituesit e parë


Ideja jote për Biznes, programi që shndërron ide të mëdha në biznese të mëdha, ka shpallur fituesit e tij të parë. Mes qindra ideve të analizuara, Departamenti i Projekteve përzgjodhi projektin “Amorette” nga gjimnazistët e shkollës “Sami Frashëri” Tiranë, i cili propozon krijimin e një shoqërie për tregtimin e verës.

Ekipi fitues, njëkohësisht edhe fitues i Konkursit Kombëtar “Sipërmarrësit e së Nesërmes” – Edicioni 6, organizuar nga “Tirana Business University”, përveç bursave të studimit ofruar nga TBU, do të përfitojë asistencë profesionale në hartimin e një Studimi Fizibililiteti. Ky studim do të përdoret për të siguruar financimin e projektit. Për këtë arsye u organizua edhe një takim i përfaqësuesve nga Departamenti i Projekteve me antarët e ekipit fitues ku u diskutua mbi organizimin e punës në vazhdim.

Inirda, Lisjena, Adela dhe Destani shprehën entuziazmin dhe gatishmërinë e tyre për t’u përfshirë në këtë nisëm dhe me seriozitetin maksimal filluan nga puna nën supervizimin dhe koordinimin e stafit të Departamentit të Projekteve.

Pritshmëritë janë të larta për të patur së shpejti një histori suksesi. Në këtë mënyrë Grupi Balfin përforcon qëllimin e krijimit të këtij programi, i cili është projektuar për të kontribuar në ekonominë e vendit e për të ndihmuar gjeneratën e ardhshme të inovatorëve shqiptarë të jenë të suksesshëm edhe në tregjet globale.

Burimi: balfin.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0