Facebook po nxjerr opsionin profesional për profilet, duke i lejuar përdoruesve të përfitojnë nga mjetet shtesë të fitimit të parave. Ky opsion i ri gjithashtu u jep përdoruesve akses në gjurmimin e rritjes së audiencës së tyre, diçka që më parë disponohej vetëm me “Pages”.
Aktivizimi i opsionit profesional i lejon përdoruesit të marrin pjesë në programin Reels Play. Reels, opsioni i videove të shkurtra të Instagram, u bë i disponueshëm në Facebook në shtator.
Lexoni: Jep dorëheqjen nga Facebook, bashkëthemeluesi i kriptomonedhës së kompanisë që nuk doli në treg
Programi i lejon përdoruesit të fitojnë deri në 35,000 dollarë në muaj, të gjitha në varësi të numrit të shikimeve.
Për më tepër, Facebook thotë se është duke punuar në opsione më të avancuara editimi për Reels. Platforma po shqyrton gjithashtu mundësinë për të shtuar gjatësinë e Reels nga 30 sekonda në një minutë.
Jashtë Reels, opsioni i profilit profesional gjithashtu zhbllokon të dhënat e audiencës, postimet dhe profilet, gjë që i lejon krijuesit të gjurmojnë çdo aktivitet në profilin e tyre. Përdoruesit mund të rishikojnë numrin total të shpërndarjeve, komenteve dhe reagimeve që kanë marrë postimet e tyre dhe gjithashtu mund të shohin se si numri i ndjekësve të tyre ka ndryshuar me kalimin e kohës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
