Prodhuesit: Kontrolloni ushqimet dhe verifikoni kompanitë abuzuese


Prodhuesit shqiptarë u kërkojnë institucioneve përgjegjegjëse të monitorojnë cilësinë e produkteve ushqimore, qofshin ato vendore apo të importuara. Bashkimi i Prodhuesve në një deklaratë për mediat, është shprehur se, ka ndjekur me vëmendje denoncimet mediatike.
Duke kujtuar se janë konsumatorë para se të jenë prodhues ata thanë se, nuk ka vend për panik, për aq kohë sa vendi ynë ka organet përkatëse, të cilat mund ta vërtetojnë këtë. Ata kanë treguar gatishmëri të bashkëpunojnë me autoritetet për të vendosur standardet më të mira në prodhimin dhe përpunimin e produkteve vendore, por edhe për të luftuar së bashku fenomenin e informalitetit, mashtrimit dhe spekullimit në prodhimin agroushqimor.

Sipas tyre, situatat që po përsëriten çdo vit, po ulin besimin te produktet vendase dhe po ndikojnë në largimin nga tregjet ndërkombëtare. “Produkti vendor është krenari kombëtare dhe ne duhet jo vetëm ta mbështesim por edhe ta promovojmë fort”, – thanë ata.

Një thirrje bëjnë edhe për median. “Në rastet kur nuk ka prova të konfirmuara, të mos krijojë panik të panevojshëm të konsumatorët, duke vënë në vitrinën e akuzës të gjithë prodhuesit shqiptarë. Në rastet kur identifikon apo konstaton shkelje flagrante nga subjekte apo individë, t’i referojë ato menjëherë pranë autoriteteve me emra apo fakte konkrete. Vetëm kështu mund t’i shërbejnë mbrojtjes së konsumatorit dhe prodhimit vendas”, sipas Bashkimit të Prodhuesve.

 

 

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale