Prodhuesit Japonez, 2x më shumë makina të prodhura në USA se jashtë

Prodhuesit japonezë, 2x më shumë makina të prodhura në USA se jashtë


Dramat për tarifat e Shtëpisë së Bardhë për prodhuesit e makinave nuk mbarojnë. Mes tyre janë dhe prodhuesit japonezë.

Sipas Bloomberg, Trump po mendon vendosjen e një takse 25% për makinat japoneze, që importohen në Amerikë. Por shumica e prodhuesve japonezë, prej kohësh prodhojnë një pjesë të madhe të makinave të tyre brenda “tokës së bekuar” të Trump.

Bloomberg kështu, krijoi një grafik me të dhënat e Japan Automobile Manufacturers Association (JAMA). Plot 69% e makinave prodhohen brenda vendit. Ndërkohë, vetëm 31% e tyre, janë të importuara nga Japonia.

Gjërat kanë ndryshuar shumë ndër vite në fakt. Në vitin 1985, 91% e makinave të shitura në Amerikë, ishin të prodhuara në Japoni. Një rënie prej rreth 45% ka ndodhur gjatë 33 viteve.

statistika prodhuesit japonez

JAMA nga ana e saj, kërkon që këto të dhëna, t’i bëhen të ditura departamentit të tregtisë së SHBA.

“Tarifat do të kenë një impakt tejet negativ në ekonominë amerikane. Makinat e importuara, nuk e cënojnë aspak ekonominë amerikane.” u shpreh JAMA për Bloomberg.

Në një pikë, këto tregojnë se sa shumë ka ndryshuar definicioni i një makine amerikane ndër vite. Shumë prodhues japonez, i prodhojnë makinat e tyre në Amerikë prej kohësh. Ndërkohë, shumë makina Amerikane, nuk prodhohen më brenda vendit. Disa Chevrolet prodhohen në Kanada. Dodge Challenger, ikona amerikane, prodhohet në Kanada gjithashtu. Jeep Renegade prodhohet në Melfi, Itali, bashkë me Fiat 500X me të cilën ndan shumë pjesë. Ford Fusion prodhohet në Meksikë, “halë në sy” për Trump.

Një pjesë e madhe e makinave amerikane në fakt, prodhohen në Kanada, duke prishur në një pikë krenarinë kombëtare amerikane.

A është ky fakt një nga influencat kryesore të Trump për veprime të tilla?!

Burimi: The Drive

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0