ProCredit certifikohet me standardin e menaxhimit mjedisor ISO 14001:2015 - Business Magazine Albania

ProCredit certifikohet me standardin e menaxhimit mjedisor ISO 14001:2015


Banka ProCredit çertifikohet me standardin ISO 14001:2015, standard i njohur ndërkombëtar për Sistemin e Menaxhimit Mjedisor. Kjo çertifikatë është lëshuar nga kompania “TÜV AUSTRIA ALBANIA”.

Në aktivitetet e biznesit, ProCredit Bank kujdeset që aktivitetet e saj të jenë të qëndrueshme dhe miqësore me mjedisin duke e mbrojtur atë dhe duke parandaluar ndotjen.

Në sajë të ndërgjegjësimit të vazhdueshëm të punonjësve të bankës, implementimit të standardeve mjedisore në procese të ndryshme si dhe investimeve të vazhdueshme efiçente të bankës në godinat e saj të biznesit, ProCredit Bank ka përmirësuar performancën e saj mjedisore duke reduktuar dhe konsumin total të energjisë dhe burimeve të tjera.

Kështu, gjatë vitit 2016, banka ka reduktuar në vlerë absolute konsumin e energjisë elektrike me 12%, konsumin e letrës së printuar me 21%, konsumin e karburantit të përdorur për transport me 17% si dhe sasinë totale të emetimeve të dioksidit të karbonit me 15%.

Përveç ndikimit direkt në mjedis, banka përkujdeset edhe për ndikimin indirekt në mjedis të klientëve duke i këshilluar dhe përkrahur në përmirësimin e standardeve mjedisore.

Tashmë, kjo analizë mjedisore dhe sociale është pjesë e pandashme e vlerësimit të klientëve të biznesit, që ndërlidhet me financimin e investimeve eko që shërbejnë për përmirësimin e performancës mjedisore të klientëve.

Adela Leka, Drejtuese e Drejtorisë Ekzekutive e ProCredit Bank Shqipëri u shpreh: “Çertifikata ISO 14001:2015 rikonfirmon angazhimin e bankës ProCredit për krijimin dhe implementimin e një sistemi të plotë për menaxhimin mjedisor, në përputhje me rregulloret kombëtare dhe ndërkombëtare. Ky çertifikim nga një kompani e jashtme, e pavarur, thekson faktin që banka jo vetëm ka implementuar plotësisht këtë sistem, por vlerëson edhe përpjekjet e stafit tonë për përmirësimin e performancës mjedisore të bankës dhe promovimin e përqasjes mjedisore tek klientët dhe tek shoqëria në përgjithësi”.

Që nga viti 2009, banka ProCredit ka financuar mbi 40 milionë euro projekte përmes kredive eko, që kanë pasur për qëllim investime në efiçencë të energjisë, energji të rinovueshme dhe investimeve të tjera “miqësore me mjedisin”.

Banka ProCredit do të vazhdojë të investojë në rritjen e ndërgjegjësimit mjedisor ndaj punonjësve të vet, klientëve, publikut të gjerë, si dhe përkrahjen e iniciativave qytetare në ruajtjen e mjedisit.

Burimi: oranews.tv

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0