Prezantohet "Globs App", aplikacioni për menaxhimin e burimeve njerëzore - Business Magazine Albania

Prezantohet “Globs App”, aplikacioni për menaxhimin e burimeve njerëzore

~3 minuta lexim

Në ambientet e “Maritim Plaza Hotel”, u bë prezantua aplikacioni “Globs App”.  Eventi u hap me fjalën e znj.Lori Jaup, e cila është edhe themeluesja e aplikacionit. Aplikacioni në vetvete u krijua që në mars të vitit 2022, me synimin për të optimizuar procesin e rekrutimit  me përdorimin e teknologjisë më të fundit, por njëkohësisht edhe ndërtimin e një komuniteti burimesh njerëzore, për adresimin e nevojave për zgjidhje inovative mbi rekrutimin dhe intervistimin e kandidatëve.

Në fjalën e saj, znj.Jaup tha se dëshira për krijimin e këtij aplikacioni lindi me kalimin e kohës, pasi ajo për më shumë se 10 vite kishte qenë pjesë e burimeve njerëzore dhe ka rekrutuar dhe intervistuar me mijëra njerëz dhe në këtë formë e kishte kuptuar shumë mirë se si funksiononte si proces dhe çfarë rekrutuesit apo ata që kërkonin punë, se çfarë nevojash kishin. Ajo kishte konstatuar se intervistimi fizik krijonte barrierë tek të intervistuarit dhe shumica , as nuk paraqiteshin fare në intervistë vetëm për këtë arsye.

“Ky aplikacion është për çdokënd. Për kompanitë e mëdha me disa filiale, për ato të mesme, por  edhe për të voglat. Globs është mbi të gjitha për menaxherët apo specialistët e BNJ, të vetë-punësuarit apo edhe vetë kompanitë e rekrutimeve”- u shpreh znj.Jaup.

Pjesë i eventit ishte edhe z.Valer Pinderi, president i shoqatës AECA, i cili foli për sfidat e fillimit të dyqanit fizik “Aladini”. “Për më shumë se 3 muaj ne nuk gjetëm më shumë se 3 njerëz për t’i punësuar nga 9 që kishim nevojë, madje edhe ato 3 nuk e dinim me siguri nëse do punësoheshin apo jo. Dhe për këtë arsye unë postova një video të shkurtër në TikTok, ku shprehja faktin që po kërkojmë punonjës dhe menjëherë kisha më shumë se 250 komente me njerëz të interesuar. Pastaj, postova në YouTube një video me të gjitha detajet e punës dhe për 3 ditë u gjendën të gjithë punonjësit e duhur. Ky aplikacion do të heqë shumë barriera që krijohen nga procesi i intervistimit dhe do ta bëjë shumë më të lehtë rekrutimin”-shtoi z.Pinderi.

Aplikacioni ka vetëm 2 hapa: 1) Dërgimi i pyetjeve për të intervistuarin dhe marrja e përgjigjeve për secilën me një minutazh të caktuar dhe 2) rekrutimi i punonjësit.

Prezantimi u mbyll me një mesazh të rëndësishëm:” Great things can be achieved when humans get together and work towards the future”. Në bazë të kësaj shprehjeje, znj.Jaup donte edhe krijimin e një shoqate të burimeve njerëzore, ku mund të diskutonin dhe të punonin për të ardhmen, sepse sipas saj çdokush mund të japi diçka që do t’i shërbejë të tjerëve për formësimin për të ardhmen.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Ndryshimi është ligji i jetës.”
— John F. Kennedy
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0