Presidenti i zgjedhur amerikan merr live dozën e parë të vaksinës

Presidenti i zgjedhur amerikan

Presidenti i zgjedhur amerikan ka marrë dozën e parë të vaksinës së Pfizer dhe Biontech kundër koronavirusit. Përmes një transmetimi live, ai synoi të nxisë besimin e qytetarëve amerikanë se vaksina është e sigurt.

Biden u kërkoi amerikanëve që ta bëjnë vaksinën, pasi ajo është e sigurt.

Po e bëj këtë për të dëshmuar që njerëzit duhet të jenë të përgatitur kur tu vijë radha për vaksinën. Nuk ka asgjë për tu shqetësuar. Bërja e vaksinës është një gjë, por mundja e virusit, një tjetër. Do të duhet kohë. ndaj ju lutem, dëgjoni ekspertët e shëndetësisë dhe ndiqnin udhëzimet e tyre për mbajtjen e maskës dhe evitimin e udhëtimeve për festa”, tha Biden.

Më shumë se 500 mijë amerikanë thuhet se janë vaksinuar tashmë.

Ai dhe bashkëshortja, Jill, falenderuan punonjësit e shëndetësisë në qendrën ku u vaksinuan.

Të premten, morën dozat e vaksinës edhe politikanët kryesorë amerikanë, si Mike Pence, zëvendëspresidenti, Nancy Pelosi, kryetarja demokrate e dhomës së deputetëve dhe Mitch McConnell, lider i shumicës republikane në senat.

Lexo: Biden prezanton planin 100 ditor. Maska e detyrueshme që ditën e parë

Përmes vaksinave në publik, pa efekte anësore, ata shpresojnë që do të bindin skeptikët për sigurinë e vaksinës dhe efikasitetin e saj. Edhe zëvendëspresidentja e zgjedhur, Kamala Harris, dhe bashkëshorti i saj, do ti marrin vaksinat publikisht javën e ardhshme.

BBC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale