Porsche dhe Audi ‘’bashkohen’’ për makinat elektrike
Përditësuar së fundmi: 12/02/2018

Porsche dhe Audi ‘’bashkohen’’ për makinat elektrike

Share
nga Deni Bashari
Shk 12, 2018

Porsche dhe Audi njihen për faktin se kanë ndërtuar disa nga makinat e tyre mbi të njëjtat baza (Cayenne dhe Macan përdorin të njëjtat baza si Q7 dhe Q5 për shembull) dhe kjo duket se do të vazhdojë edhe në periudhën elektrike. Oliver Blume i Porsche dhe Rupert Stadler i Audi, thanë në një intervistë për Stuttgarter Zeitung se të dy brandet në pronësi të Volkswagen, do të zhillojnë një platformë të përbashkët që do të përfshijë modelet nga viti 2021 e mbrapa. Audi po pret dy sedane dhe dy SUV, ndërsa Porsche mund të ndërtojë makinën e saj të parë sipas platformës, në të njëjtën fabrikë si Macan. Kjo nuk do të thotë se do të shihni një Macan elektrik, por sipas gjasave nuk flitet as për një coupe të elektrifikuar.

Se cilat makina vijnë të parat, kjo varet nga kërkesat për emetimet e CO2, tha Blume.

Arsyeja se pse po ndajnë burimet, nuk do t’ju surprizojë: paratë. Blume tha se do të kushtonte 30% më tepër për secilin brand, për të zhvilluar një platformë personale elektrike. Gjithsesi nuk do të jetë një shpenzim i vogël as në këtë rast, pasi sipas Stadler do të duhen disa miliardë dollarë për të zhvilluar projektin.

Kjo është diçka e ndarë nga Mission E, i cili mbetet në fokusin kryesor të Porsche. As nuk e ndalon secilën kompani që të krijojë platforma të tjera të personalizuara për të përmbushur synimet e tyre, si në rastin e Porsche me makinat sportive. Gjithsesi kjo ju jep një ide se çfarë të prisni nga tregu i ri i makinave elektrike në të ardhmen, me diferencat midis makinave, të cilat do jenë më tepër përsa i përket zgjidhjeve të motorave elektrikë dhe stilimit sesa dizajnit themelor.

burimi: engadget.com



Evente

Communication Skills Station

Maj 26, 2018
11 AM - 2 PM

Konferenca Spark.me 2018

Maj 26, 2018
në orën 09:00 AM - 27 Maj në 07:00 PM

Auto Sallon Tirana 2018, Edicioni i 3-të & Automotive Forum

Maj 31, 2018
6:00 PM - 9:00 PM, 1-3 Qershor, ora 10:00 AM - 8:00 PM

Startup Grind Tirana mirëpret Alketa Vejsiu

Qershor 6, 2018
5:30 PM - 8:30 PM

I do Real Estate – nga Eglent Bici

Qershor 7, 2018
10 AM - 12:30 PM

Startup Grind Europe Conference

Qershor 13, 2018
8 AM - 6 PM