Policia italiane me të vërtetë di se si t’i mbushë garazhet e saj. Nëse do të shihni aty, do të gjeni edhe Lamborghini Huracan ose Alfa Romeo Giulia Quadrifoglio.
Të dyja këto, janë perfekte për në rrugë. Por lindi nevoja e një makine për të patrulluar plazhet. Dhe ja ku vjen, Carbinieri Jeep Wrangler! Ata nuk dolën jashtë kompanive vendase, duke përdorur Jeep, një nga makinat e grupit FCA.
Nga ana tjetër, Wrangler është një nga ikonat e automobilizmit kur vjen puna tek off roading. Për më tepër, që ajo përshtatet me stilin e jetesës nëpër plazhe. Një brandim goxha i mirë i Jeep ndër vite.
Por, Wrangler-at që policia italiane do të përdorë, nuk do të jenë versioni bazë nga fabrika. Së pari, sipas Motor1, ato do të marrin nofkën “Gazella”. Dhe do të jenë të pajisura me pjesë nga paketa Mopar One. Ato do të përdorin goma 32 inch dhe disqe alumini 17 inch. Do të jenë edhe 5cm më të larta se sa versionet e zakonshme. Kjo, falë modifikimeve në suspensionet e makinave.
Diçka që ky Wrangler do të ketë dhe askush tjetër nuk do të mund t’a ketë?! Dritat, sirena, dhe radio e policisë. Ky model madje do të jetë i pajisur me një motor me naftë. Një opsion që së shpejti do të arrijë në tregun amerikan. Motori 2.8L turbo, prodhon 158HP dhe 400Nm torque.
Modelet do të jenë të gjeneratës së fundit të JK Wrangler dhe do të duken bukur në rrugët dhe plazhet e Italisë. Policia planifikon t’i përdorë në zonën e Romagna-s, pranë San Marino, përgjatë detit Adriatik.
Burimi: Motor Trend
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
