Në qershor të 2018-ës, ekzekutivi i Oculus, Jason Rubin i dërgoi një email anëtarit të bordit të Facebook, Marc Andreessen, me temën “The Metaverse”.
“Ne besojmë se mënyra e duhur për të kapërcyer indiferencën e konsumatorëve ndaj Realitetit Virtual (VR) është të japësh atë që ata presin dhe duan nga mediumi: METAVERSE”, thuhet në zbulimin e parë të një dokumenti 50 faqesh, që përshkruan një strategji për ndërtimin e një bote virtuale.
Dokumenti trevjeçar, i siguruar nga CNBC, hodhi themelet për ambiciet futuriste të “META”, kompanisë që deri tani quhej Facebook. Demoja një orëshe e CEO-s Mark Zuckerberg, e cila kulmoi me shpalljen e emrit të ri të kompanisë, ishte projektuar për të portretizuar një botë shumë të ndryshme nga ajo që jetojmë aktualisht, në një kohë kur Facebook përballet me një breshëri të pandërprerë titujsh negativë lidhur me natyrën problematike të produkteve të saj të mediave sociale.
Zuckerberg u tha shikuesve se kompania e sheh metaversin, i cili do të duhen pesë deri në 10 vjet për t’u përhapur, si kufiri tjetër në teknologji – vendi ku njerëzit do të jetojnë, punojnë dhe luajnë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
