Miliona vizitorë udhëtojnë në Egjipt çdo vit për të parë Piramidat ikonike të Gizës. Pavarësisht se është një nga vendet më të famshme të antikitetit në botë, përvoja i lë shumë udhëtarëve mbresa të pakëndshme. Për vite me radhë, Vendi i Trashëgimisë Botërore të UNESCO-s është ndikuar nga menaxhimi i dobët, shitësit ‘agresivë’ apo të bezdisshëm, si dhe raportimet për mizori ndaj kafshëve.
Tani, Egjipti po ndërmerr hapa për të ndryshuar situatën te Piramidat e Gizës – por rikonstruksioni ka pasur një fillim të vështirë.
Shitësit protestojnë kundër zhvendosjes në zona të reja
Mbipopullimi dhe turistët e vazhdueshëm kanë përkeqësuar përvojat e shumë turistëve në Giza. Plani i ri i qeverisë egjiptiane synon të ndryshojë zonën me menaxhim dhe rregullore të përmirësuara. Projekti, i udhëhequr nga Orascom Pyramids Entertainment Services Company, thuhet se do të kushtojë 45 milionë euro. Këtë javë, u testua një pikë e re hyrjeje në kompleks në autostradën Fayoum, duke zëvendësuar hyrjen historike pranë Marriott Mena House, e cila shpesh vuan nga bllokime trafiku dhe mbingarkesë. Por prova u përball me kundërshtimin e operatorëve turistikë të kuajve dhe deveve, të cilët bllokuan hyrjen e automjeteve në shenjë proteste, kundër zhvendosjes së tyre në zonat e reja të përcaktuara të parkimit. Ata thonë se zonat janë shumë larg hyrjes dhe do të dëmtojnë biznesin. Shitësit janë akuzuar prej kohësh nga vizitorët për shqetësim dhe zhvatje. Biznesmeni Naguib Sawiris, themeluesi i Orascom Telecom Holding dhe Orascom Investment Holding, shkroi në X se shitësit, që refuzojnë të zhvendosen në zonën e re do të ndalohen. “Mirëqenia e publikut dhe ruajtja e këtij thesari është shumë më e rëndësishme, sesa përmbushja e interesave të 2,000 individëve, që i kanë shkaktuar dëm vendit për vite me radhë”, postoi ai.
Piramidat e Gizës miratojnë automjete elektrike
Masat e reja gjithashtu ndalojnë hyrjen e automjeteve private dhe autobusëve turistikë në të gjithë nekropolin e Gizeës, duke u ofruar vizitorëve dhe guidave të tyre automjete elektrike miqësore me mjedisin për të lëvizur nëpër vend. Ndërsa tranzicioni synon të përmirësojë qëndrueshmërinë e kompleksit, disa vizitorë janë ankuar në mediat sociale për disponueshmërinë e automjeteve, duke thënë se janë detyruar të presin ose të ecin në vapë. Rinovimi do të përfshijë gjithashtu restaurimin e disa varreve, blerjen e biletave online dhe një qendër të re për vizitorët.
Vizitorët janë paralajmëruar të mos bëjnë ture me kafshë në Piramidat e Gizës
Disa shpresojnë që zhvendosja e shitësve të tureve është gjithashtu një hap drejt dhënies fund të mizorisë ndaj kafshëve të raportuar në vend. Një hetim i kohëve të fundit nga Njerëzit për Trajtimin Etik të Kafshëve (PETA) zbuloi raste të abuzimit dhe kafshë që keqtrajtuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
