Plakja nuk është një problem që duhet zgjidhur

Plakja nuk është një problem që duhet zgjidhur


Nga Anila Bashllari

Ne nuk mërzitemi sepse po plakemi, por sepse nuk ndihemi të përmbushur shpirtërisht. Plakja (sidomos tek gratë) është një proces që duhet frenuar. Kështu jemi mësuar të mendojmë, apo jo? Por, çfarë do të thotë të plakesh? Si e konceptojmë plakjen në ditët e sotme?

Do të doja t’ju ofroja një këndvështrim ndryshe rreth kësaj teme, prandaj ju ftoj t’a lexoni.

Perspektiva jonë rreth plakjes është krijuar nga reklamat e industrisë kozmetike e cila e sheh plakjen e fytyrës si një gogol që duhet zhdukur patjetër.  Është krijuar nga gjyshet tona të cilat ia vënë fajin moshës për dhimbjet e tyre fizike, është krijuar nga limitimet fizike të trupit tonë për t’u bërë nëna, është krijuar nga frikërat e të tjerëve dhe jo domosdoshmërisht nga frikërat tona. Plakja dhe mosha janë parë deri tani si fenomene që duhen kontrolluar, ndaluar, parandaluar. Kjo është një perspektivë logjikisht e gabuar.

Sigurisht që nuk e kontrollojmë dot moshën apo kohën! Do të ndihesha mendjelehtë nëse do të mendoja “nuk kam çfarë t’i bëj plakjes sepse nuk e ndaloj kohën”. Koha nuk është për t’u ndaluar por për t’u jetuar.Ne e njohim rendin natyral të jetës – lindje – jetë – vdekje – dhe nuk është e nevojshme të mendojmë mbi arsyet pse funksionon kështu dhe jo ndryshe. Ne kemi lindur që t’a plotësojmë këtë cikël, jo t’a ndalojmë atë.

Përse na mërzit “ideja e plakjes”?
Çdo vit që kalon, ne ankohemi që “po na ikën jeta”. Në fakt, kjo nuk është e vërtetë! Ne mërzitemi sepse ‘mendojmë’ se nuk kemi më kohë për të bërë gjërat që gjithmonë deshëm t’i bënim, por nuk patëm mundësi (nuk ia dhamë mundësinë vetes?).

Çdo vit që kalon, ne harrojmë të festojmë jetën, të jemi mirënjohës që po jetojmë dhe kemi ende mundësi të përpiqemi për të krijuar veten dhe jetën që duam. Unë kam zgjedhur të besoj ndryshe

Perspektiva që unë kam vendosur të besoj dhe ndjek në lidhje me plakjen është:

  • të jetoj çdo ditë dhe të ndihem mirënjohëse për jetën;
  • të arrij një mirëqenie shpirtërore, fizike, emocionale dhe materiale në përditshmërinë time;
  • të vendos objektiva dhe të punoj për arritjen e tyre;
  • të punoj me veten time për t’u zhvilluar personalisht;
  • të jem prezente dhe të zhvesh veten nga iluzionet e ‘çfarë mund të kisha’ dhe nga fantazmat e së shkuarës që nuk ekziston më.

Nëse unë arrij të ndihem e përmbushur shpirtërisht dhe të jetoj jetën në të gjitha dimensionet e saj (me ritmin tim), më besoni që nuk kam kohë të mendoj se sa vjeç jam. Këtu bien poshtë të gjitha perceptimet dhe klishetë mbi plakjen dhe moshën. Në momentin që unë ndihem e përmbushur shpirtërisht dhe e lumtur, në momentin që unë vendos të jem krijuese e jetës time.

Lexo: Pasuri, Lumturi?! Apo të dyja bashkë?

Një konceptim i ri mbi plakjen dhe moshën
Arritja e moshës 60, 70 ose 80 vjeç nuk është më pengesë që ti të shkosh në zyrë çdo ditë. Nuk është më pengesë as që ti të gjesh një partner të ri romantik. Nuk është më pengesë as që ti të mësosh një aftësi të re apo të krijosh një hobi të ri. Mosha nuk është më kufi apo tregues i aftësive dhe potencialit tonë. Do të jetë e tillë vetëm nëse ju vendosni t’a besoni si barrierë apo limitim!

Plakja nuk është një problem që duhet zgjidhur për mua. Jeta është një dhuratë që duhet jetuar çdo ditë. Ky është qëllimi im.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0