Peticioni u miratua pak pasi kryeministrja Theresa May arriti në Bruksel gjatë kësaj jave, ku do të parashtronte kërkesën e saj për shtyrje të afatit të daljes së Britanisë nga Bashkimi Europian.
Faqja e internetit e peticionit të qeverisë ra disa herë të enjten, pasi qindra mijëra njerëz shprehën pakënaqësinë e tyre për planet në lidhje me tërheqjen e Mbretërisë së Bashkuar nga Bashkimi Europian.
Margaret Anne Georgiadou, organizatore e peticionit thotë se, “Qeveria vazhdimisht pretendon se dalja nga BE është ‘vullneti i popullit’. Ne duhet ta ndalojmë këtë kërkesë duke provuar fuqinë e mbështetjes publike tani për të mbetur BE”. Ndaj, ajo fton britanikët të nënshkruajnë peticionin.
Lexo: Brexit pa marrëveshje, kompanitë paralajmërojnë rritje çmimi
Komiteti i Peticioneve, tha se faqja e peticionit shihej njëkohësisht nga 80 mijë deri në 100 mijë persona, ndërsa të enjten dokumenti u firmos nga 2 mijë persona çdo sekond.
Peticioni u lançua gjatë muajit shkurt në faqen e internetit të qeverisë. Në atë periudhë nuk mori vëmendjen e vërejtur këtë javë.
Interesi u rrit pas deklaratës së May. Në këtë deklaratë ajo fajësoi deputetët për bllokimin, duke kërcënuar daljen e Mbretërisë së Bashkuar nga BE pa një marrëveshje. Në orët e fundit, disa zyrtarë të qeverisë janë përpjekur të ulin interesin e qytetarëve për nënshkrimin e peticionit.
Udhëheqësi i opozitës Jeremy Corbyn tha pas takimit me krerët europianë në Bruksel se, “lidhur me daljen, mendojmë se ka një urgjencë në ndërtimin e një shumice për një zgjidhje të këndshme dhe kjo është ajo ku po përqëndrohemi aktualisht”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
