Studentët kërkojnë një mbështetje financiare nga qeveria gjatë këtij viti akademik. Pak para kthimit në auditore ata kanë mbledhur mbi 6000 firma, duke nënshkruar një peticion online.
Ata i janë drejtuar kryeministrisë, duke kërkuar përfshirjen në paketën antikrizë, me një kërkesë konkrete prej 100 euro në muaj.
Reagimi vjen pas rritjes së kostos, si të produkteve edhe të qirasë. Për studentët, akomodimi në Tiranë është bërë më i vështirë këtë vit. Ata thonë se kostot janë të papërballueshme për ta dhe familjet e tyre, ndaj nevojitet një mbështetje e përkohshme e qeverisë.
Ky peticion pritet të shoqërohet edhe me protesta të pedagogëve, të cilët gjithashtu kërkojnë rritje të pagave. Ata kanë paralajmëeruar se do të bojkotojnë mësimin.
Lexo: Europa miraton ligjin e ri/ Kompanitë duhet të rrisin mbrojtjen ndaj sulmeve kibernetike
Aktualisht qeveria ka parashikuar pakëtën antikrizë, ku përfshihen kryesisht familjet me mbështetje ekonomike dhe personat me aftësi ndryshe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
