Përse marketojmë ndryshe te "të huajt"? - Business Magazine Albania

Përse marketojmë ndryshe te “të huajt”?

Sheila Rexho, kontributore

Dy dekada më parë, sigurisht na bënte shumë përshtypje çdo produkt apo shërbim i cili “na vinte nga jashtë” dhe përpos kuriozitetit që rrjedhimisht ishte pasojë e izolimit totalitar, nuk jam shumë e sigurtë nëse ne shqiptarët, në periudhën pas viteve ‘90 do të mund të etikoheshim si konsumatorët me një tendencë “ksenocentriste”?!

Dy dekada më pas, sërish kam dyshimet e mia se ende mund të kemi nuanca të tilla në sjelljen konsumatore, ndonëse besoj se si popull jemi të prirur edhe drejt kosmopolitanizmit.

Të huajt i marketojmë ndryshe.

Më pëlqen që edhe në vendin tonë të vogël, ekziston një komunitet multi-kulturor, i cili na jep mundësinë e të përfituarit nga të gjitha avantazhet që sjell për shoqërinë, ndaj për të evituar çdo keqkuptim të mundshëm dua të theksoj, se i referohem vetëm mënyrës dhe strategjisë së marketingut në lidhje me fenomenin në fjalë.

Më ka ndodhur kaq shpesh të shoh se si promovohen të huajt, qofshin ata në fushën e mjekësisë, apo estetikës, sipërmarrjes, kulinarisë etj. Ka shumë nota superlative për një Expat në një profesion të caktuar, shumë më shumë nëse do më duhet t’i krahasoja me të njëjtin shërbim të ofruar nga një shqiptar në po të njëtin profesion.

Lexo: Si të projektosh besim si një sipërmarrës?

Cilët mund të jenë faktorët që ndikojnë në këtë qasje?

Skepticizmi që na karakterizon, se ende sot në 2021 ndoshta ne nuk besojmë se mund të na ofrohen produkte lokale me po të njëjtën cilësi, apo shërbime të ndryshme që mund t’i marrim nga bashkë-kombasit tanë?!

Pse rendim pas të huajve?

Në terma psikologjike, ksenocentrizmi konsiderohet një formë e sjelljes devijante dhe ky aspekt psiko-social normalisht do ketë edhe efektin e tij në aspektin e komunikimit, marketingut dhe shitjes. Shembujt që më bënë të reflekoj në lidhje me këtë fenomen, janë spitalet private, të cilat promovojnë shërbimet mjekësore duke sjellë në vëmendje kombësinë e mjekut, pa vendosur as një bio, apo pa përmendur identitetin apo kurikulumin e tij personal, i cili vlen jashtëzakonisht shumë më shumë se kombësia.

Ndoshta kjo është një strategji për ta bërë më tërheqës postimin, për të bërë kurioze audiencën, por në gjykimin tim personal vë re nuanca ksenocentrizmi, sidomos në kohë të tilla, ku pavarësisht skandaleve, mangësive në shërbimin shëndetësor, Shqipëria jonë e vogël po ndërton rrugën e saj drejt turizmit mjekësor. 

Duke qenë se jetojmë në kohërat ku marketingu nuk është më vetëm traditional, tashmë mundësitë për t’u orientuar si konsumatorë janë me dhjetëra. Pra, le të marrim kohën për të reflektuar se nuk kemi pse paguajmë më shumë për të njejtin shërbim, se kjo lloj qasje karshi të huajve me kalimin e viteve do thellohet dhe do ndikojë thellësisht në kulturën tonë, të cilën apriori do ta trashëgojmë.

Më pelqeu shumë nisma “Bli shqip”. Sikur të kisha fuqinë do të doja të propagandoja “Zgjidh shqip”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0