Përmirësoni ecurinë e biznesit duke përdorur këto strategji
Përditësuar së fundmi: 21/01/2020

Përmirësoni ecurinë e biznesit duke përdorur këto strategji

Share
nga Ornela Trupja
Jan 21, 2020

Sipërmarrësit mundohen të gjejnë mënyra të ndryshme për të përmirësuar biznesin e tyre, duke filluar që nga; kurset, punësimi i ekspertëve, paguajnë trajner, por ndoshta zgjidhja mund të jetë shumë herë më e thjeshtë: ‘thjesh jini të vëmendshëm dhe dëgjoni me kujdes’.

Kjo është një aftësi që mësohet duke u praktikuar dhe do të jetë zgjidhja e shumë problemeve, jo vetëm në punë, por edhe në familje apo në shoqëri për zgjidhjen e konflikteve. Përmirësoni ecurinë e biznesit duke përdorur këto strategji:

Investoni në marrëdhënien tuaj me stafin
Duhet të investoni partneritet të fortë edhe me shitësit tuaj. Pyetini ata se çfarë konsidedrojnë praktika të mira dhe si e shohin industrinë tuaj. Në fillim mund të jenë pak skeptikë, por më pas do të shikoni se do të keni një kuptim më të mirë për kompaninë, një marëdhënie të mirë me shitësin dhe mund të identifikoni së bashku mundësi të shpejta fitimi. Madje, ka pasur raste kur nga biseda me ta është kuptuar se kompania dhe shitësi po punonin ndarë, për projekte të ngjashme inovacioni ndërkohë që mund të punonin në një. Kjo nuk do të arrihej nëse nuk do të zhvillohej një bisedë e lirë me ta, pra pa axhendë zyrtare.

Lexo: Strategjitë e marketingut që duhet të përdorë një startup për të arritur sukses

Bisedoni me punonjësit pa qenë nevoja të organizoni takime
Anëtarët e ekipit tuaj të menaxhimit të kompanisë mund të japin ide të mira për përmirësimin e kompanisë. Ndaj pse të mos zhvilloni një bisedë të lirë me ta? Mund t’i pyesni ata se si do të vepronin nëse do të ishin në krye të kompanisë, cilat janë qëllimet e tyre për kompaninë këtë tre mujor, këtë vit, cilat janë frymëzimet dhe sfidat që duan të arrijnë. Nëse nuk e keni bërë ndonjëherë atëherë dijeni se punonjësit e presin këtë dhe ju duhet t’a ngrohni bisedën me ta para se kompania juaj të zhytet.  Kështu ndoshta mund të kuptoni se ata mund t’i shpalosin aftësite e tyre në një department tjetër.

Jini të sinqertë me klientin
Nëse jeni biznes- me-biznes atëherë është me e lehtë të krijoni bisedë më të sinqertë me klientët tuaj. Nëse jeni biznes-me-konsumator, ju duhet të gjeni më shumë mjete si sondazhe të klientëve. Pyetini ata se çfarë pëlqejnë ose jo në kompaninë tuaj, si mund të përmirësohet dhe si ndërveprojnë ata me ekipin tuaj. Kjo do t’ju ndihmojë juve, jo vetëm të identifikoni se çfarë duhet të ndryshoni ose jo, por do të kuptoni se çfarë po ecën siç duhet dhe kështu mund të vazhdoni të bëni të njëjtën gjë.

INC