Përmbyllet Slush’D Tirana: Një hap i rëndësishëm për Inovacionin dhe Startup-et Shqiptare - Business Magazine Albania

Përmbyllet Slush’D Tirana: Një hap i rëndësishëm për Inovacionin dhe Startup-et Shqiptare

Përmbyllet Slush’D Tirana: Një hap i rëndësishëm për Inovacionin dhe Startup-et Shqiptare

Mbështetja e startup-eve dhe komunitetit drejt suksesit ndërkombëtar

Tirana mirëpriti për herë të parë eventin Slush’D, një aktivitet që synon të transformojë ekosistemin e startup-eve në Shqipëri dhe të ofrojë një platformë të fuqishme për rrjetëzim dhe ndarje njohurish. I frymëzuar nga formati prestigjioz i “Slush”, ky event ndërthur sipërmarrës shqiptarë me aktorë të rëndësishëm nga Ballkani, Diaspora, Europa dhe vendet nordike.

Eventi gëzoi mbështetje masive nga institucionet shtetërore, duke përfshirë Bashkinë e Tiranës dhe Ministrinë e Ekonomisë, Kulturës dhe Inovacionit, të cilat theksuan rëndësinë e promovimit të sipërmarrjes dhe inovacionit për zhvillimin e qëndrueshëm të vendit.

Lexo edhe:  AllWeb na prezanton me folësit e rradhës!

hapjen e këtij eventi, Kryetari i Bashkisë së Tiranës, Erion Veliaj, nënvizoi rëndësinë e guximit dhe zhvillimit të qëndrueshëm në sipërmarrje. “Aspirata e vërtetë nuk është vetëm të krijohet një startup, por të kthehet në një ‘stay-up’ që kontribuon në ekonominë e vendit,” theksoi Veliaj.

Ndërkohë, Blendi Gonxhja, Ministër i Ekonomisë, Kulturës dhe Inovacionit, theksoi se përgatitja për tregun global është thelbësore për suksesin afatgjatë të ekosistemit të inovacionit në Shqipëri. “Bota po ndryshon me ritme të shpejta dhe ne duhet të jemi gati për këtë të nesërme, që tashmë është shumë afër,” shtoi ai.

Startup-et shqiptare shpalosin talentin e tyre në Slush’D Tirana

Ky event ofroi një mundësi të artë për startup-et që të fitojnë ekspertizë ndërkombëtare dhe të zgjerojnë praninë e tyre në tregjet globale. Pjesëmarrësit prezantuan idetë e tyre para një jurie ndërkombëtare, duke marrë sugjerime dhe vlerësime profesionale për të përmirësuar bizneset e tyre.

Ndër startup-et që shkëlqyen në këtë event ishin:

  • Bliss – Platforma e parë shqiptare për terapi online, që ofron seanca psikologjike të përballueshme për shqiptarët kudo që ndodhen.
  • Garazhi – Një platformë për tregun e automjeteve, që ofron blerje, shitje dhe shërbime, me mbi 40,000 ndjekës aktivë.
  • Patoko – Një aplikacion multifunksional që bashkon shërbime të përditshme, duke kursyer kohë dhe rritur produktivitetin.
  • Skaitech – Kompania e parë shqiptare për prodhimin e dronëve, e fokusuar në teknologji për AI dhe sisteme pa pilot.
  • Suapr.com – Një startup që sjell zgjidhje inovative për edukimin.
  • Lookup Parking – Një platformë që ndihmon përdoruesit të menaxhojnë parkimin në mënyrë të zgjuar.
  • Pok Albania – Një startup që ju lejon të bëni pagesa te shpejta dhe me lehtësi
  • SunEasy – Një platformë inovative që synon tranformimin e turizmit bregdetar

Lexo edhe: Je startup? AllWeb ka një super ofertë për ty!

Finalja e Slush’D Tirana dhe Impakti i Saj

Në finalen e madhe të Slush’D Tirana, u ndanë çmimet për startup-et më premtuese, me fokus në rëndësinë e mbështetjes së komunitetit dhe organizatave për suksesin e tyre. Garazhi dhe Patoko u shpallën fitues dhe do të përfaqësojnë Shqipërinë në Slush Helsinki, falë mbështetjes së Grantit 2024.

Fituesit e Slush’D Tirana:

🔸 Bliss – Platforma për terapi online për shqiptarët kudo në botë.
🔸 Patoko – Aplikacion për menaxhimin e shërbimeve të përditshme.
🔸 Skaitech – Prodhuesi i parë shqiptar i dronëve, duke përdorur AI dhe teknologji pa pilot.

🔸 Garazhi – Platformë për blerjen, shitjen dhe mirëmbajtjen e automjeteve.

Falënderime të sinqerta për të gjithë sipërmarrësit dhe inovatorët që ndanë idetë e tyre në këtë event frymëzues! Tirana po kthehet në një qendër të rëndësishme për inovacionin në rajon dhe po lë gjurmë në skenën ndërkombëtare.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0