Përdoruesit e Z-Mobile, ankohen se janë vjedhur nga kompania telefonike


Përdoruesit e telefonisë mobile Z-Mobile (tani pjesë e Vala Telekom), janë ankuar se llogaria e tyre është zbrazur pa paralajmërim.

“Kjo çka ndodhi sot, mendoj se është jo korrekte nga ana e Z-Mobile, pasi që përveç mosparalajmërimit, pa kurrfar përgjegjësie del me një njoftim shumë të thjeshtë duke na thënë se “kaq ishte”! Llogaria e kartelës zbrazet në zero dhe pyetja ime është, kah shkuan ato para? Mendoj se kompania Z-mobile duhet të japë përgjegjësi për të gjitha keto para të humbura të klientëve!”, është shprehur Yll Avdiaj për BusinessMag.

Z-Mobile është përgjigjur ndaj ankesave të konsumatorëve me arsyetimin se ky incident ka ndodhur për shkak të kalimit të numrave në Vala.

Postimi i tyre i plotë:

Të nderuar klientë,

Autoriteti Rregullativ i Komunikimeve Elektronike dhe Postare(ARKEP) ka vendosur që numeracionin e alokuar deri më tash te Zmobile t’ia kalojë në shfrytëzim Telekomit të Kosovës.

Kjo ka ndodhur në mesnatë, me të filluar të datës 28.11.2019, kur edhe ka pushuar dhënia e shërbimeve nga Telekomi i Kosovës për nevoja të Z Mobile.

Me keqardhje, ju njoftojmë se me këtë vendim ne nuk jemi pajtuar dhe kjo situatë e krijuar është jashtë vullnetit tonë si kompani.

Kështu që jemi të obliguar të ju informojmë se nga sot, më 28.11.2019, Z Mobile pushon së dhëni shërbime për klientët.

Na vjen keq për çfarëdo bezdie që mund të ju shkaktohet nga gjendja e krijuar.

Ju falënderojmë për besimin!

Z Mobile.

Disa përdorues të Z-Mobile gjithashtu thonë se përveç që i kanë humbur paratë e llogarive të tyre, tani me numrin e Z-Mobile nuk kanë mundësi as të bëjnë thirrje.

220 mijë numrat e telefonisë mobile Z-Mobile kanë kaluar zyrtarisht në Platformën e Vala-s, në mesnatë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale