Pemla është një kompani agro-biznesi dhe eko-sociale, me fokus prodhimin e produkteve ushqimore të qëndrueshme dhe të prodhuara me origjinë 100% shqiptare. Kompania bashkëpunon me fermerë vendas nga rajonet e ndryshme të Shqipërisë, me qëllim rritjen e prodhimit vendas, ndërkohë që kontribuon në zhvillimin e një fushate për qëndrueshmërinë dhe mbrojtjen e mjedisit.
Krijimi i Pemlas erdhi si nevojë për produkte të shijshme, cilësore të prodhuara në vend, si dhe dëshira për të konsumuar produkte ushqimore, pa ndotje në mjedis.
-“Filluam të eksperimentojmë në kuzhinën tonë me disa produkte, duke përdorur përbërës dhe lëndë të parë të kultivuar në vend dhe si rrjedhojë zbuluam potencialin për t’i zhvilluar këto produkte dhe me tej”, shprehet Ana Shima, themeluese e Pemla, e pyetur për fillimet e aktivitetit.
Për momentin, Pemla ofron një linjë gjalpi arror, të përftuar nga arra, bajame dhe lajthi. Arrat vijnë kryesisht nga zona e Dibrës, bajamet nga zona e Shpiragut në Berat dhe lajthitë vijnë nga vende të ndryshme, si psh. Mallakastër, fshatrat rreth Tiranës, zona e Gramshit, etj. Në përgjigje të kërkesës së tregut për disa produkte të tjera, kompania ka filluar të prodhojë gjalp të festëkut, tahini, farës së kungullit, etj. Lënda e parë për këto produkte vjen kryesisht nga Greqia, Turqia dhe Italia.
Lexoni artikullin e plotë në Botimin 31 të Business Magazine!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
