Patoko: 1 aplikacion, pafund përfitime!

Pas një monitorimi të zhvilluar në fushën e aplikacioneve të navigimit në faqen foxdata , zbuluam që Patoko tanimë mban vendin e parë për sa i përket performancës në ios për aplikacionet që janë në fushën e navigimit për muajin prill. Patoko për një kohë të gjatë ishte e listuar në top 200 aplikacionet më të mira në të gjithë hapsirën shqiptare, por tani mban vendin e parë, kjo për shkak të të gjithë veçorive të reja që aplikacioni ka shtuar. Për këtë arsye, kemi intervistuar CEO-n e Patoko, Arbër Kadia, për të mësuar sesi kanë ndikuar përditësimet e reja në këtë sukses të ri si edhe për të mësuar më shumë për secilën prej veçorive.

Patoko, i nisur si thjesht aplikacion për porosi taksish, tani është transformuar në një super-app që premton të ndryshojë mënyrën se si ne lëvizim, punojmë dhe jetojmë në mjediset urbane. Duke u nisur nga nevojat e përditshme të qytetarëve për një transport më të lehtë dhe të qasshëm, Patoko ka evoluar për të përmbushur këto kërkesa me një gamë shërbimesh që përqafon çdo aspekt të jetës urbane. Kjo është historia e një udhëtimi të guximshëm nga një aplikacion lokal në një platformë globale që synon të bëjë më shumë se thjesht rolin e  një taksie – synon të ndërtojë komunitete më të lidhura dhe të qëndrueshme.

1.Cilat janë risitë e reja që Patoko  ka përqafuar?

Në Patoko, jemi krenarë që kemi qenë në gjendje të inovojmë me shpejtësi dhe të ofrojmë një platformë gjithëpërfshirëse të mobilitetit urban që e bën lëvizjen qytetase më të lehtë, më të shpejtë dhe më të besueshme për qytetarët tanë. Përveç shërbimit tonë fillestar të porosive së udhëtimeve me taksi nëpërmjet aplikacionit, ne tani kemi zgjeruar gjerësisht gamën tonë të shërbimeve duke përfshirë informacionin në kohë reale për linjat e autobusëve dhe duke bërë shërbimet tona të përshtatshme për kërkesat lokale. Gjithashtu krahas mobilitetit tradicional në hapsirën digjitale ne kemi shtuar Ofertat me funksionin e besnikërisë, të cilat janë një risi dhe demokratizim i marketingut të zgjuar për bizneset e vogla dhe të mesme të cilat nuk kanë mundësi të investojnë në teknologji të avancuar si kjo që ne kemi zhvilluar.  Kjo rishpikje e aplikacionit tonë dhe transformimi me shpejtësi në një “super-app” i mundëson Patokos të jetë një partner i vërtetë i mobilitetit dhe i zhvillimit urban për komunitetet tona dhe nevojat që këto komunitete kanë.

2.Pse lindi nevoja për to?

Në Patoko, kemi qenë të përkushtuar që nga fillimi për të kuptuar më mirë sfidat e vërteta me të cilat ballafaqohen qytetarët tanë si dhe vizitorët përsa i përket lëvizjes nga pika A tek pika B. Është objektivi ynë të ofrojmë lehtësira në çdo udhëtim që përdoruesit ndërmarrin. Ekipi ynë është në kërkim kostant për të gjetur zgjidhje novatore që t’i adresojnë të gjitha problemet e mobilitetit. Duke dëgjuar me vëmendje zërin e përdoruesve tanë, kemi kuptuar se transporti publik, informacioni në kohë reale dhe shërbimet e përshtatshme për nevojat lokale janë bërë thelbësore për të lehtësuar jetën e njerëzve në mjediset urbane të sotme. Kjo na ka shtyrë të bëjmë investime dhe kërkime agresive në inovacion dhe të transformojmë Patoko në një platformë gjithëpërfshirëse që mund të ndihmojë në ndërtimin e qyteteve miqsore, të ndërlidhura dhe të qëndrueshme për të ardhmen.

3.Si u pritën nga audienca?

Kjo rishpikje e Patoko në një “super-app” e cila ofron një gamë të gjerë shërbimesh të mobilitetit është pritur me entuzizëm të madh nga audienca jonë. Kemi parë një rritje të jashtëzakonshme të përdorimit të shërbimit tonë të informacionit për autobuzat, me mbi 150,000 shikime që prej lançimit dhe 500 përdorues aktivë në ditë, duke treguar se qytetarët po përqafojnë me gëzim mundësitë e reja që u kemi ofruar. Kjo na bën të sigurt se jemi në rrugën e duhur për të ndërtuar një ekosistem të qëndrueshëm mobiliteti urban që i shërben nevojave të vërteta të qytetarëve tanë. Për sa i përket lëvizjes me taksi ne kemi patur një rritje të vazhdueshme edhe në periudha historikisht të ngadalta për tregun si periudha e pas verës dhe muajt e parë të vitit 2024. Që nga Janari i 2023 Patoko është rritur me 1000% në sasi rrugësh të plotësuara, duke bërë diferencën edhe në ditë me shi, kur edhe kompanitë e mëdha të taksive nuk i përmbushin dot nevojat e klientëve të tyre. 

Lexo edhe:  Pse Patoko është ndryshe nga kompanitë e tjera të cilat ofrojnë shërbim taksi?

4.Cilat janë sfidat kryesore që keni hasur gjatë zhvillimit të këtyre risive dhe si i keni tejkaluar ato?

Për sa i përket teknologjisë duhet të themi që nuk kemi hasur vështirësi pasi ekipi ynë zhvillues është tepër inovator dhe me njohuri të larta. Vështirësitë që kemi hasur kanë të bëjnë me lojtarët e tregut të cilët ende kanë nevojë të kuptojnë avantazhet e tregut. Një nga sfidat më kryesore ka qënë futja e pagesës me kartë direkt nga aplikacioni. Këtë sfidë e kemi kaluar duke zhvilluar modulet e përshtatshme dhe pronësore të cilat do na lejojnë shumë shpejt ta hedhim në treg duke parë që kërkesa nga përdoruesit është tepër e lartë. Për sa i përket shërbimit të informacionit të vendndodhjes së autobuzëve kemi hasur disa vështirësi në të kuptuarin nga disa operatorë linjash. Sidoqoftë falë asistencës së pushtetit lokal në Tiranë që ka bërë advokimin e duhur kemi arritur të bëjmë hapa të qenësishëm. Krahas këtyre problemeve ajo që ka qënë sfida më e madhe të cilën ne e kemi superuar me sukses duke edukuar tregun, ka qënë trajnimi i taksistëve dhe herë herë përdoruesve, të cilët ende nuk e kuptojnë avantazhin e teknologjisë për të patur përfitimet respektive. Në finale do të thoja që aftësia për tu adaptuar me kërkesat e tregut me formate hibride ka sjellë sukses në një hapsirë që asnjë sipërmarrje më parë nuk ka patur suksesin që ne po shohim. 

5.Si mendoni se këto risi do të ndryshojnë peizazhin e shërbimeve taxi/transport në tregun tuaj?

Duke ofruar një gamë të gjerë shërbimesh të integruara, nga transporti me taksi, te informacioni në kohë reale për transportin publik, e deri te shërbimet e reja të turizmit, ne synojmë ta bëjmë Patoko një pikë referimi dhe zgjedhje të preferuar për çdo aspekt të mobilitetit dhe udhëtimit të qytetarëve tanë. Kjo do të na lejojë të ndërtojmë një bazë shumë më të fortë të besnikërisë së përdoruesve, duke i bindur ata që t’i drejtohen Patoko për një eksperience të integruar dhe të përsosur.Përmes ndërveprimit me të gjitha aspektet e aplikacionit, ne shpresojmë të krijojmë një ekosistem të qëndrueshëm ku përdoruesit do të jenë të motivuar të mbajnë Patoko si platformën e tyre të preferuar për të gjitha nevojat e tyre. Kjo do të ndikojë drejtpërdrejt në dominimin tonë të tregut, duke na lejuar të jemi një aktor i fuqishëm që përcakton standardet dhe pritshmëritë e shërbimeve të transportit në qytetet tona. Kemi besim se kjo strategji e kompletuar e mobilitetit urban do të na mundësojë të ndikojmë pozitivisht në peizazhin e transportit, duke e bërë atë më eficient, të qëndrueshëm dhe të orientuar drejt nevojave të vërteta të qytetarëve. Duke qenë një “super-app” që bën jetën më të lehtë, Patoko do të luajë një rol kyç në transformimin e mënyrës se si njerëzit ballafaqohen me sfidat e mobilitetit në qytetet tona.

6.Cilat janë planet tuaja për të ardhmen e Patoko dhe si do të vazhdoni të inovoni?

Duke u ndërtuar mbi suksesin e deritanishëm, ne jemi të përkushtuar të vazhdojmë rrugëtimin tonë të inovacionit të pashembullt. Në vijim të transformimit tonë në një “super-app” gjithëpërfshirës të mobilitetit urban, plani ynë i ardhshëm është të zgjerojmë gamën tonë të shërbimeve edhe më tej. Jemi të entuziazmuar të hyjmë në fushën e turizmit, duke ofruar shërbime të tilla si rezervime hotelesh dhe qira makinash. Kjo do të na lejojë të ofrojmë një platformë të integruar që do të bëjë udhëtimin dhe lëvizjen e lehtë për qytetarët tanë dhe vizitorët. Por, kjo nuk është e gjitha. Për ta bërë këtë proces sa më të lehtë dhe të personalizuar, jemi duke zhvilluar një version tonë të zgjuar të AI-së që do të na mundësojë të jemi gjithmonë në hap me kohën dhe të ofrojmë të njëjtën eksperiencë përdoruesi si kudo tjetër. Duke u frymëzuar nga trailblazers si Careem, ne synojmë të krijojmë një ekosistem mobiliteti urban të integruar që përmbush të gjitha nevojat e qytetarëve tanë – nga transporti i drejtpërdrejtë, te informacioni në kohë reale, te shërbimet e tjera komplementare. Ky është vetëm fillimi i rrugëtimit tonë të pafundme të inovacionit.

Me përkushtimin tonë të palëkundur ndaj përmirësimit të cilësisë së jetës në komunitetet tona urbane, ne jemi të vendosur që Patoko të bëhet një platformë e tërësishme e mobilitetit dhe zhvillimit urban – një shembull frymëzues i asaj se çfarë mund të arrihet me imagjinatë të pakufizuar dhe dëshirë për t’iu përgjigjur nevojave të vërteta të njerëzve.