Kina aprovoi vaksinën e parë të saj kundër Covid-19. Ajo emërtohet “Ad5-nCoV” dhe është zhvilluar nga Akademia Ushtarake Mjekësore-Shkencore në bashkëpunim me firmën private të bioteknologjisë “CanSino”.
Marrja e patentës i hap rrugën prodhimit në masë dhe në kohë të shpejtë në rast të një rikthimi të pandemisë, bëri me dije Administrata Kombëtare Intelektuale e Kinës. Aprovimi i vaksinës është arritur më 11 gusht, por vetëm tani është publikuar, pasi shkencëtarët kanë kërkuar një konfirmim shtesë për efikasitetin dhe sigurinë.
“Ad5-nCoV” përdor një virus të zakonshëm të ftohjes, por më të dobët, duke futur material gjenetik të koronavirusit të ri në trupin e njeriut. Qëllimi i këtij procesi është të trajnojë trupin për të prodhuar antitrupa, që njohin dhe luftojnë Covid-19.
Faza e dytë e testimeve klinike tregoi se vaksina është e sigurt dhe e aftë të nxisë një kundërpërgjigje të sistemit imunitar, sipas një studimi të publikuar në revistën e njohur shkencore “The Lancet”, muajin e kaluar.
Testimi përfshiu 320 vullnetarë të shëndetshëm të moshës midis 18 dhe 59 vjeç, nga të cilët 96 morën pjesë në prova klinike gjatë fazës së parë dhe 224 në provat e fazës së dytë, raporton agjencia e lajmeve Xinhua.
Faza e tretë është në zhvillim e sipër dhe në të do të përfshihen vullnetarë jo vetëm nga Kina, por edhe nga shtetet e tjera të botës.
Marrja e patentës konfirmoi më tej efikasitetin dhe sigurinë e vaksinës dhe dëshmoi bindshëm pronësinë e të drejtave të pronësisë intelektuale (IPR), tha CanSino në një deklaratë për median shtetërore kineze, Global Times.
Vetëm një javë më parë, Rusia u bë vendi i parë në botë, që regjistroi zyrtarisht vaksinën kundër koronavirusit, të krijuar nga Instituti Gamaleya me seli në Moskë. Ndërkohë, tre vaksina të mundshme në Shtetet e Bashkuara janë në fazat finale dhe do të testohen tek njerëzit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
