Siemens po largohet nga Rusia për shkak të luftës në Ukrainë, duke sjellë një dëm fillestar financiar prej 600 milionë eurosh biznesit të saj; ndërsa priten edhe humbje të mëtejshme.
Grupi gjerman industrial dhe i teknologjisë është kompania e fundit multinacionale që flet për humbje financiare, si pasojë e vendimit për t’u tërhequr nga Rusia.
Fitimet e kompanisë shënuan një rënie prej 5%, ndërsa analistët parashikojnë dhe më pak të ardhura në muajrt në vijim.
Kompania me seli në Mynih kishte punësuar 3 mijë persona dhe ka qenë qenë aktive për 170 vjet. Siemens u vendos në Rusi në vitin 1851 për të shpërndarë aparatura për linjën telegrafike Moskë – Shën Petërburg.
Rusia përbën së fundi deri në 1% të të ardhurave vjetore të Siemens, pasi biznesi është kryesisht i përqendruar me mirëmbajtjen dhe shërbime të tjera në trenat me shpejtësi të lartë.
Sipas zyrtarëve të kompanisë, zyrat e degëve në Moskë dhe në Shën Petërsburg po boshatisen. Kjo ka ndikuar dhe në fitimet e përgjithshme të kompanisë, të cilat shënuan 1.21 miliardë euro neto, duke mos përmbushur parashikimet e analistëve për 1.73 miliardë euro.
Kompania shënoi një fitim industrial prej 1.78 miliardë euro, 13% më pak se një vit më pare, duke mos realizuar dot objektivat. Por, gjithsesi kërkesat janë të shumta, me një rritje prej 22%. Këtë vit pritet një rritje nga 6 në 8% të të ardhurave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
