Vizitorët në Paris së shpejti do të mund të arrijnë në qendër të qytetit me stil, duke udhëtuar me taksi fluturuese. Prodhuesi i avionëve Airbus po punon me operatorin francez të transportit RATP Group, për të shqyrtuar mundësinë e krijimit të disa automjeteve për të operuar në kryeqytetin francez, duke shpresuar që ky krijim më i fundit të lidhet me taksitë ajrore në Paris, fiks në kohën kur do të mbahen Lojërat Olimpike të vitit 2024 .
Studimi i fizibilitetit, bazuar në partneritet me operatorin e aeroportit Groupe ADP, rajonin e Parisit Ile-de-France dhe autoritetin francez të aviacionit civil (DGAC), do të shqyrtojë menaxhimin e trafikut, integrimin urban, mirëmbajtjen, projektimin dhe prodhimin.
Për të hyrë në qendër të qytetit, vizitorët që vijnë në aeroportin ndërkombëtar Charles de Gaulle, aktualisht duhet të marrin një taksi, një tren 35-minutësh, ose një autobus që mund të zgjasë 45-90 minuta. Projekti pritet të kushtojë 11.4 milionë dollarë. Do të bëhen përpjekje për të siguruar që “automjeti fluturues autonom, të jetë i arritshëm për numrin më të madh të njerëzve”, tha grupi RATP.
Lexo: Ja cilat janë linjat ajrore më të sigurta në botë për 2019!
Airbus nuk është kompania e vetme që planifikon të nisë taksi ajrore. Uber ka bashkëpunuar me NASA-n në programin e saj të fluturimit taksi, të cilin e quan “Elevate” dhe është një nga shumë kompani që garojnë për të realizuar automjetet ajrore. Kompanitë kanë thënë se shpresojnë që udhëtimet komerciale të jenë në dispozicion në vitin 2023.
Uber gjithashtu është shprehur se Melbourne do të ishte qyteti i parë jashtë SHBA, i cili pritet të operojë me taksitë fluturuese, pas Dallasit dhe Los Anxhelosit. Rolls-Royce dhe Boeing kanë njoftuar gjithashtu plane për automjete ajrore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English