“Papagalli”, aplikacioni që mund t’u lexojë fëmijëve të emigrantëve përralla në shqip


Start Up Live Tirana mbylli rrugëtimin e saj. Në eventin në të cilin u prezantuan shumë ide dhe u shpallën disa fitues, vendin e parë e fitoi “Papagalli”. Kjo ide ishte krijim në grup nga katër shokë shkolle: Orkida Pjetërnikaj, Enxhi Gjeci, Matilda Marku dhe Kevin Çekani.

Për BusinessMag.al ata shprehen se ideja erdhi si pasojë e një projekti shkolle. Fakti që kanë shumë familiarë që jetojnë jashtë, fëmijët e të cilëve nuk dinë të flasin mirë shqip, i ka shtyrë në krijimin e këtij projekti, i cili më pas u bë fitues i StartUp Live Tirana. Ideja konsiston në krijimin  e një aplikacioni, i cili u vjen në ndihmë fëmijëve të shqiptarëve që jetojnë jashtë, u mundëson leximin e përrallave në shqip.

Por pse quhet Papagalli?
Papagali është shpendi që komunikon atë që i thonë të tjerët. Kjo është edhe ideja e a.udiobook-ut.  Ata do të jenë të aftë të dëgjojnë përrallën dhe të përsërisin ato që do të dëgjojnë.

Lexo: StartUp Live Tirana shpall fituesit3

Mbështetja që kanë marrë nga sponsorët e eventit, i shtyn të vazhdojnë përpara. Ata synojnë që në një të ardhme jo të largët, aplikacioni të lancohet në treg. Më tej theksojnë se zhvillimi i aplikacionit me animacione do të jetë hapi i rradhës.

Për fituesit e vendit të parë u akorduan dy bileta për në Pionieers’20, festival ky i cili mbahet çdo vit në Vjenë. Vlera e biletave shkon në 1500 euro dhe këto bileta mundësohen nga Pionieers Venure. Mirëpo fituesit e vendit të parë janë një grup prej 4 personash, e ndërsa bileta janë vetëm dy. Të pyetur nga businessMag.al se si do e zgjidhin këtë pjesë ata shprehen se në Pionieers’20 do të shkojnë të katërt, pasi ata janë një ekip i vtetëm.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale