Paketa e dytë financiare do të rishikohet për t'u dhënë mundësi atyre që nuk përfituan - Business Magazine Albania

Paketa e dytë financiare do të rishikohet për t’u dhënë mundësi atyre që nuk përfituan

Paketa e dytë

Në paketën e dytë të ndihmës ekonomike do të ketë ndryshime, në mënyrë që të mund të përfitojnë një pjesë që nuk kanë arritur të përfitojnë pagesën 40 mijë lekë. Faktin e bëri të ditur ministrja e Financave dhe Ekonomisë, Anila Denaj dhe Drejtoresha e Përgjithshme e Tatimeve Delina Ibrahimaj. Denaj tha se, “kemi propozuar disa ndryshime proceduriale, të cilat do të tejkalojnë edhe disa nga vështirësitë operacionale”.

Shqetësimeve lidhur me vonesat në hapjen e plotë të ekonomisë, Denaj iu përgjigj se kjo do të jetë çështje kohe.

“Unë besoj se hapja e bizneseve do të jetë çështje kohe, duke siguruar ato protokollet që kemi thënë, dezinfektimi etj. që tani do bëhet mënyrë jetese” tha ajo. Në fillim të pandemisë ministrja foli për rreth 60 mijë persona që mund të dilnin sit ë papunë. Megjithatë shifrat për dy muaj Mars-Prill janë për rreth 38 mijë individë.

Afati për të aplikuar për paketën e dyte do të jetë deri në 5 qershor me të njëjtat procedura si më parë.

Ndersa Drejtoresha eTatimeve Ibrahimaj tha se sapo të miratohen ndryshimet në paketën e dytë do të publikohet lista e të gjithë tatimpaguesve dhe individëve përfitues. “Kemi ndjekur me shumë kujdes të gjithë procesin e ankesave të ardhura si nga individët ashtu edhe nga tatimpaguesit, të cilët nuk kanë mundur të aplikojnë apo përfitojnë nga paketa e dytë”, tha Ibrahimaj.

Pas miratimit, Drejtoria e Përgjithshme e Tatimeve do të afishojë në faqen e saj zyrtare të gjithë tatimpaguesit që do të jenë përfitues të këtij ndryshimi dhe individët që do të jenë përfitues të këtij ndryshimi, të cilët do të kenë kohë deri në 5 qershor të aplikojnë njësoj siç ka qënë procedura për paketën e dytë nëpërmjet portalit e-filing.

Lexo: Një valë e madhe pushimesh nga puna. Denaj: fillimisht mund të arrijmë në 60 mijë të papunë

Sipas Ibrahimit, “Pas datës 5 qershor nëse bizneset nuk do të aplikojnë, paga e luftës do t’u kalojnë automatikisht të gjithë individëve që duhet të përfitojnë nga paga e luftës, dhe do të përfitojnë këtë pagë duke arritur numrin në total e 176 mijë personave”.

Të gjithë punonjësit e pushuar nga puna,(38 mijë), sipas saj, kanë përfituat nga paga e luftës.

Sipas të dhënave zyrtare, nga paketa e parë kanë përfituar 64 964 persona, ndërsa nga paketa e dytë përfituan 109 664 persona.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0