Një valë e madhe pushimesh nga puna. Denaj: fillimisht mund të arrijmë në 60 mijë të papunë - Business Magazine Albania

Një valë e madhe pushimesh nga puna. Denaj: fillimisht mund të arrijmë në 60 mijë të papunë


Masat mbështetëse të qeverisë ndaj efekteve financiare të Covid janë pothuajse të padukshme ndaj dëmeve ekonomike që pandemia po krijon. Palarajmërimi në fund të marsit nga shoqatat e biznesit, në fakt, ka filluar të bëhet realitet. Pushimet nga puna kanë nisur dhe po ashtu edhe dalja nga skema e sigurimeve shoqërore e shëndetësore.

Ministra e Financave Anila Denaj e ka pranuar në media se pritet të ketë një rritje të theksuar të numrit të të papunëve. Në një intervistë për Euronews ajo u shpreh: “E di që është e paevitueshme që do të ketë një rritje të numrit të papunëve. Papunësia në një muaj do të shkojë në nivelin e 50-60 mijë të papunë. Nëse kjo periudhë zgjat mendoj se do të rritet. Ky numër është një kalkulim që vjen në masat aktuale të kufizimit të lëvizjeve. Ka biznese që janë duke menduar ridimensionimin”. Ajo e pranoi se bizneset po bëjnë largime dita ditës.

Ministrja ka theksuar se për kategoritë që humbasin vendin e punës, qeveria do të ofrojë një ndihmë sa gjysma e pagës minimale.

Lexo: Edi Rama: Paketa e ndihmës financiare do të zgjerohet në muajin prill

Në një anketë të Bashkimit të Prodhuesve, mbi 70% e sipërmarrjeve kanë treguar se do të pushojnë njerëz nga puna në masën 50-90% të stafit të tyre. 10 % e sipërmarrjeve kanë deklaruar se do të mbyllin tërësisht aktivitetin.

Ndërkohë garancia financiare e miratuar së fundi, e cila u mundëson kompanive të marrin kredi me interes nën 3% nuk është mirëpritur nga sipërmarrjet. Ata nuk e gjykojnë të arsyeshme të marrin kredi për të paguar sigurimet e punonjësve dhe taksat gjatë një periudhe që nuk po zhvillojnë aktivitet.

Shoqatat e prodhuesve sugjerojnë ndjekjen e modelit të Italisë në mbështetjen e ekonomisë së vendit. Italia (edhe pse ne negociata të ashpra me BE-në) po punon për të ruajtur nivelin e konsumit në vend. Një formë do të ishte bonusi, ose një kuotë minimale mujore për ccdo familjar.

Ekonomistët vendas mendojnë se shuma e injektuar nga qeveria nuk është në gjendje të gjenerojë një qarkullim mbijetese. Në kushtet aktuale sipas tyre alternativat janë dy: injektimi i parasë për nxitjen e konsumit, me finale kthimin e taksave, sigurimeve, tatimeve në buxhetin e shtetit, ose lirimin më shumë të aktiviteteve, në mënyrë që jo të gjithë sektorët  të paralizohen.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0