Organizatat e “fact-checking” në mbarë botën thonë se YouTube nuk po bën aq sa duhet për të parandaluar përhapjen e dezinformacionit në platformë.
Rreth 80 grupe kanë nënshkruar një letër të përbashkët drejtuar shefes ekzekutive të platformës në pronësi të Google, Susan Wojcicki.
Letra thotë se Youtube është “një nga kanalet kryesore të dezinformimit në internet në mbarë botën”.
Organizatat duan që YouTube të ndërmarrë masa më të forta kundër videove që përhapin informacion kundër vaksinave dhe dezinformatave gjatë fushatave zgjedhore.
Çfarë thotë letra?
Në letrën e hapur thuhet se “shumë njerëz kanë humbur të dashurit për shkak të dezinformatave”. Akuzat vazhdojnë duke thënë se YouTube nuk bën përpjekjet e mjaftueshme për të adresuar problemin, duke thënë se “po lejon që platforma të armatohet nga aktorë të paskrupullt për të manipuluar dhe shfrytëzuar të tjerët”.
Problemi bëhet më i ndërlikuar kur përmbajtja e rreme nuk është në anglisht, ose e ka origjinën nga vendet në zhvillim. Letra liston shembuj në mbarë botën që kanë potencialin të shkaktojnë dëme në jetën reale.
- Grupet e “fact checking” kanë bërë thirrje për:
- Angazhim për një transparencë kuptimplote në lidhje me dezinformimin në platformë
- Më shumë kontekst dhe zhvlerësim sesa thjesht fshirje të videove
- Masa kundër shkeljeve të përsëritura
- Përpjekje e shtuar për të trajtuar dezinformimin në gjuhë të tjera përveç anglishtes
Lexo edhe: YouTube bllokon të gjitha videot me përmbajtje anti-vaksinë
YouTube duhet gjithashtu të rregullojë algoritmet e tij të rekomandimit për tu siguruar që “nuk promovon në mënyrë aktive dezinformimin tek përdoruesit e tij, ose nuk rekomandon përmbajtje që vijnë nga kanale jo të besueshme” thuhet në letër.
Zëdhënësja e YouTube Elena Hernandez tha për Guardian se kompania tashmë po investon në mënyra “për të lidhur njerëzit me përmbajtje autoritative, për të zvogëluar përhapjen e dezinformatave dhe për të fshirë videot dhunuese”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English