Rreth 1.400 nxënës kanë zhvilluar “Orën e Kodimit” nën udhëheqjen e drejtpërdrejtë të trajnuesëve dhe vullnetarëve. I zhvilluar në 38 shkolla, në 8 Qarqe të Shqipërisë, ky program, po përfshin nxënës, e kategori të ndryshme shoqërore.
Përfaqësuesit e Microsoft thonë se, në mënyrë të tërthortë është përfshirë edhe një numër i konsiderueshëm nxënësish pasi në disa shkolla, mësuesit janë pajisur me materialet e trajnimit për të zhvilluar “Orën e Kodimit” edhe me nxënës të tjerë që nuk janë përfshirë drejtpërdrejtë gjatë këtij aktiviteti. Objektivi i Orës së Kodimit është të shtrihet në 100 shkolla dhe të përfshijë 3000 nxënës, të sistemit arsimor parauniversitar. Ata zhvillojnë “Orën e Kodimit” duke luajtur on-line dhe off-line lojën “Udhëtimi i Heroit” nga MINECRAFT.
Objektiv i organizatorëve është edhe ndërgjegjësimi i institucioneve arsimore që të përdorin “Orën e Kodimit” të MINECRAFT si një mënyrë efikase për të nxitur nxënësit drejt teknologjisë së informacionit.
Lexoni: Avantazhi ynë për të nisur mbarë. Kompanitë e vogla dhe investimi i ulët në teknologji
Çfarë është ‘Ora e kodimit’’
‘’Ora e Kodimit’’ është nismë globale me vizion të përgjithshëm që çdo nxënës i çfarëdo shkolle qoftë të ketë mundësinë të mësojë për shkencat kompjuterike. Kjo lëvizje është nisma më e madhe botërore që promovon kodimin e dizenjuar nga Code.org ku mijëra institucione arsimore inkurajohen që të paktën të shpenzojnë një orë në javë t’ua mësojnë programimin nxënësve. Cod.org beson që shkencat kompjuterike dhe programimi në përgjithësi duhet të bëhet pjesë thelbësore e kurrikulave në arsim krahas lëndëve të tjera shkencore, teknologjike siç janë matematikë, biologji, fizikë, kimi apo algjebër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
