Online shopping "ia kalon" shitjeve tradicionale të së Premtes së Zezë

Online shopping “ia kalon” shitjeve tradicionale të së Premtes së Zezë


Konsumatorët nga të dyja anët e Atlantikut janë gjithmonë të gatshëm për të bërë blerje të leverdisshme gjatë të Premtes së Zezë, por gjithnjë e më shumë duan ta bëjnë këtë të rehatuar nga shtëpitë e tyre.

Në Shtetet e Bashkuara, nga një vëzhgim Federatës Kombëtare të Shitjeve me Pakicë (National Retail Federation) ku morën pjesë më shumë se 4,000 shitës, u raportua se rreth 103 milionë bjerëz kishin bërë shopping online krahasuar me 102 milionë të tjerë që bënë shopping nga dyqanet.

Për më tepër, telefoni e ka afirmuar pozicionin e tij si një pjesë integrale e jetës. 56.7% e atyre që zotëronin smartphone, e përdorën atë për të bërë kërkime mbi produktet, për t’i blerë ato, për të parë disponueshmërinë e artikujve në dyqanet fizike dhe për shumë aktivite të tjera të kryera nga smartphone-i, ndërsa 57.7% e atyre që zotëronin një tabletë e përdorën pajisjen e tyre për të “shfletuar” online paketat e pushimeve dhe për të blerë artikuj.

“Është e qartë tani se tradita e ‘vjetër’ e psonisjeve familjare dhe me miqtë në dyqanet fizike tani është gati e zëvendësuar me traditën e re të bërjeve të porosive online për më shumë mundësi kursimi gjatë sezonit të festave,” ka thënë Matthew Shay, presidenti dhe CEO i NRF-së.

NRF ka parashikuar se 121 milionë njerëz do të bënin shopping online gjatë Cyber Monday, një rënie prej 4.6% nga shifrat e vjetshme.

Në Mbretërinë e Bashkuar, Springboard, një kompani e statistikave të numrit të blerësve, tha se shopping online “ka marrë stafetën” gjatë fundjavës së të Premtes Së Zezë. Blerjet në Britani kanë pasur një rënie me 9.5% çdo vit, ka raportuar The Guardian, pavarësisht se shitjet e këtij viti shënuan rritje me 4.9%.

Shitjet online të së Premtes së Zezë në Mbretërinë e Bashkuar pritet të kenë kapur shifrën prej 1 miliardë paundë për herë të parë, më shumë se 32% e shitjeve të vitit të kaluar, ndërsa shitjet e Cyber Monday parashikohet të kenë pësuar një rritje me 31% duke kapur shifrën e 943 miliardë paundëve.

Aamazon ka thënë se e Premtja e Zezë ka qenë dita më e zënë e saj e shitjeve në Britaninë e Madhe me shitjen e 86 artikujve në sekondë për të arritur një total prej 7.4 milionë.

Christodoulos Chaviaras, një analist i Barclays, ka theksuar “tre atribute” të vëzhguara gjatë të Premtes së Zezë së këtij vitit.

Shitësit ishin më të përgatitur për oferta promocionale, ka thënë ai, ndërsa infrastruktura e IT-së ishte më mirë e përgatitur krahasuar me vitin paraardhës.

Për më tepër, “konsumatorët preferuan të blinin online pa prishur ‘komoditetin’ nga shtëpitë e tyre” se sa të shkonin nëpër dyqane duke u përplasur dhe grindur me turmat blerëse.”

Për më tepër lexoni edhe artikullin: Shitjet Online: E Premtja e Zezë pritet të gjenerojë 1 miliardë pound!

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0