Odoo është një platformë gjithëpërfshirëse e menaxhimit të biznesit që ofron zgjidhje për të gjitha nevojat e një kompanie, duke filluar nga financat deri te e-commerce. Ky sistem siguron një nivel të lartë të kontrollit mbi të gjitha aspektet e biznesit tuaj. Me një operim në 6 kontinente dhe një bazë të klientëve prej mbi 10 milionë, Odoo ka arritur një prezencë globale. Kompania Zero në Shqipëri ka qenë një partner i Odoo, që nga viti 2019 dhe ka arritur së fundi të fitojë titullin e partnerit Gold.
Duke shfaqur progresin si partner, Zero ka implementuar suksesshëm platformën Odoo në disa biznese të njohura, duke përfshirë emra si Balfin Real Estate, Maritim Marina Bay, Hilton Hotel Tirana, Intersig Vienna Insurance dhe Federata Shqiptare e Futbollit.
Nisur nga zhvillimi i tyre pozitiv si partnerë dhe për të theksuar rëndësinë e tregut shqiptar dhe rajonal, Zero ka ndërmarrë nismën për të prezantuar me Odoo në Tiranë versionin e ri të Odoo ERP, i cili u lançua në nëntor të vitit 2023.
Arnold Kadiu, CEO i Zero, ka ndarë detaje rreth eventit të mbajtur në Tiranë, duke theksuar pikat e forta, të krijuara përmes kësaj platforme, e cila synon një shtrirje të mëtejshme në treg.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
