OBSH: Situata është alarmante nga mutacioni, duhet të bëhet më shumë

Dega për Evropë e Organizatës Botërore të Shëndetësisë ka deklaruar se duhet të bëhet më shumë, sepse situata është e vështirë nga përhapja e variantit të ri të virusit.

Në një konferencë për media, drejtori për Evropë i OBSH-së, Hans Kluge, shpjegoi se situata aktuale “pikë kthese e pandemisë”, ndërkohë që vende të ndryshme në Europë kanë një shtim të rasteve të reja. Gjysma e 53 vendeve në rajon po raporton një shkallë të incidencës shtatë-ditore prej më shumë se 150 raste të reja për 100,000 njerëz  ndërsa një e katërta ka regjistruar një rritje më shumë se 10% të rasteve gjatë javës së kaluar.

Kluge tha se vendet që kanë vaksinën Pfizer/BioNTech mund të jenë fleksibël në lidhje me ditët midis dozave të para dhe të dyta, duke thënë se duhet të vendoset një ekuilibër midis shfrytëzimit sa më të madh të furnizimeve të kufizuara dhe mbrojtjes së sa më shumë njerëzve të jetë e mundur. “Kjo është situatë alarmante, që do të thotë se për një periudhë të shkurtër kohore ne duhet të bëjmë më shumë dhe duhet të intensifikojmë masat shëndetësore publike dhe ato sociale, që të sigurohemi që të rrafshojmë kurbën në disa shtete”, tha Kluge.

LEXO: OBSH: Sëmundjet e zemrës, kanceri dhe diabeti shkaktarët kryesorë të vdekjeve në vitin 2019

Tashmë dihet se viruset ndryshojnë vazhdimisht, ndërkaq është vërtetuar nga ekspertet se varianti i ri i koronavirusit nuk shkakton simptoma më të rënduara, por përhapet më shpejt. Për ekspertët e OBSH-së ky është një shqetësim i madh. “Pa rritur kontrollin që të ngadalësojmë shpërndarjen, ndikimi do të ndjehet në institucionet shëndetësore, tashmë të ngarkuara”, tha Kluge.

Mutacioni është zbuluar në 22 vende evropiane, tha Kluge, duke shtuar se për momentin nuk ka ndonjë ndryshim të madh te sëmundja, po transmetueshmëria e variantit të ri është arsye për shqetësim.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale