OBSH nis investigimin mbi Covid-19 - Business Magazine Albania

OBSH nis investigimin mbi Covid-19

Ekipi i hetuesve të Organizatës Botërore të Shëndetësisë po përgatitet të lërë karantinën në qytetin kinez të Wuhan dhe të fillojë një hetim të shumëpritur për origjinën e pandemisë Covid. Anëtarët e ekipit ndërkombëtar prej 13 personash do të përfundojnë karantinën e tyre dy-javore në 24 orët e ardhshme, duke u larguar në një qytet që dikur ishte qendra e shpërthimit global, por tani, një vit më pas, është kthyer kryesisht në normalitet. Kontrolli i punës së ekipit do të jetë i pamasë, pasi ata ‘prekin’ në atë që ka të ngjarë të jetë një fushë e minuar politike në kërkim të zbulimit të origjinës së Covid-19. “Sytë dhe vëmendja e botës janë fiksuar në këtë vëzhgim” tha virologu gjerman Marion Koopmans, i cili është pjesë e skuadrës që kanë shkuar në Kinë.

Misioni ka vuajtur nga vonesat, shqetësimet mbi aksesin dhe grindjet midis Kinës dhe Shteteve të Bashkuara, të cilat kanë akuzuar Pekinin për fshehje të shkallës së shpërthimit fillestar dhe ka kritikuar kushtet e vizitës sipas të cilave ekspertët kinezë kryen fazën e parë të hulumtimit. Ekipi u largua nga hoteli menjëherë pas orës 3 pasdite. (07:00 GMT) pa folur me gazetarët, të cilët ishin mbajtur në një distancë prapa pengesave të verdha dhe hipën në një autobus, shoferi i të cilit kishte veshur mjete të plota mbrojtëse.

“Paksa e trishtuar për t’i thënë lamtumirë ‘palestrës’ time dhe ‘zyrës time’ ku kam qenë i  mbyllur për 2 javët e fundit !!”, shkroi anëtari i ekipit Peter Daszak më herët të enjten, së bashku me fotot e pajisjeve të stërvitjes dhe një tavolinë në dhomën e tij të hotelit. “Kalimi në fazën tjetër të punës tani me ekipin e misionit të OBSH & homologët e Kinës,” tha ai me tej.

LEXO: OBSH: Varianti i ri i koronavirusit është përhapur në 70 vende

Ekipi, i cili punoi me videokonferencë ndërsa ishte në karantinë, drejtohet nga Peter Ben Embarek, eksperti i OBSH-së për sëmundjet e kafshëve që kalojnë në specie të tjera dhe pritet të qëndrojë në Kinë për dy javë të tjera. “Nuk ka garanci për përgjigje,” u tha gazetarëve shefi i urgjencës i OBSH Mike Ryan më parë këtë muaj. “Ishte një detyrë e vështirë të përcaktohet plotësisht origjina dhe nganjëherë mund të duhen dy ose tre ose katër përpjekje për ta bërë atë në mjedise të ndryshme.“

Të afërm të viktimave të Covid-19 në Wuhan thonë së autoritetet kineze u kanë bllokuar llogaritë në rrjetet sociale dhe po i bëjnë presion që të mos tregojnë asgjë teksa skuadra e Organizatës Botërore të Shëndetësisë ka nisur hetimin mbi origjinën e virusit. Shumë familjarë janë bashkuar për të kërkuar që të mbahet përgjegjësi nga qeveria kineze për mënyrën se si u përballua situata me koronavirusin.

Sipas disa dëshmive të të afërmve të viktimave, të shpërndara nga qytetarë të tjerë në rrjete sociale, presioni i autoriteteve është rritur veçanërisht pas vëzhgimit të skuadrës së OBSH-së. Një platformë në të cilën ishin regjistruar 80-100 familjarë të viktimave të personave të prekur me Covid-19 është zhdukur ditët e fundit dhe sipas njërit prej anëtarëve, Zhang Hai kjo tregon se qeveria kineze është nën trysni dhe po përpiqet të fshehë diçka.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0